ଶ୍ରୀନଗର: ଜମ୍ମୁ କଶ୍ମୀର ଚନ୍ଦନଓ୍ୱାଡିରେ ବଡ଼ ଧରଣର ବସ୍ ଦୁର୍ଘଟଣା । ଅମରନାଥ ଯାତ୍ରା ଡ୍ୟୁଟିରେ ଥିବା ଆଇଟିବିପି ଯବାନଙ୍କୁ ନେଇକି ଯାଉଥିବା ବସ୍ ଦୁର୍ଘଟଣାଗ୍ରସ୍ତ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଦୁର୍ଘଟଣାରେ ୭ ଜଣ ଯବାନଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିବା ନେଇ ସୂଚନା ସାମନାକୁ ଆସିଛି।
ଆଇଟିବିପି ଯବାନଙ୍କୁ ନେଉକି ଯାଉଥିବା ବସ୍ ଚନ୍ଦନବାଡିରୁ ପହଲଗାମ୍ ଯାଉଥିଲା। ସେତେବେଳେ ବସ୍ ବ୍ରେକ୍ ଫେଲ୍ କାରଣରୁ ଘାଇ ଖସି ପଡିଛି। ଏହି ବସ୍ରେ ୩୯ ଜଣ ଯବାନ ଥିଲେ। ସେମାନଙ୍କ ମଧ୍ୟରୁ ୩୭ ଜଣ ଆଇଟିବିପିର ଯବାନ ହୋଇଥିବା ବେଳେ ୨ ଜଣ ଯବାନ ଜମ୍ମୁ–କଶ୍ମୀର ପୋଲିସର ।
ଚନ୍ଦନୱାଡି ଠାରୁ ପହଲଗାମର ମଧ୍ୟରେ ୧୬ କିଲୋମିଟର ଦୂରରେ ରହିଛି। ନିକଟରେ ଅମରନାଥ ଯାତ୍ରା ଶେଷ ହୋଇଯାଇଛି। ଏଭଳି ସ୍ଥିତିରେ ଦାୟିତ୍ୱରେ ନିୟୋଜିତ ସୁରକ୍ଷାବଳ ନିଜ ନିଜ ବାଟାଲିୟନ୍କୁ ଫେରୁଥିଲେ। ସେତେବେଳେ ବ୍ରେକ୍ ଫେଲ୍ ହେବା କାରଣରୁ ବସ୍ ଖାଇ ଭିତରେ ଖସି ପଡିଥିଲା। ଗୁରୁତରମାନଙ୍କୁ ଏୟାର ଲିଫ୍ଟ କରାଯାଇ ଶ୍ରୀନଗର ପହଞ୍ଚା ଯାଇଛି । ତେବେ ଏ ନେଇ ତଦନ୍ତ ନିର୍ଦ୍ଦେଶ ଦେଇପାରେ ଆଇଟିବିପି ।
जम्मू-कश्मीर के पहलगाम इलाके में आईटीबीपी के 39 जवानों से भरी बस के खाई में गिरने की ख़बर बेहद दुःखद है।
मैं घायल जवानों के जल्द स्वस्थ होने और शहीद जवानों की आत्मा की शांति की कामना करता हूं एवं शोक-संतप्त परिवारों के प्रति अपनी गहरी संवेदनाएं प्रकट करता हूं।
— Rahul Gandhi (@RahulGandhi) August 16, 2022
ଦୁର୍ଘଟଣା ନେଇ ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନା ଦୁଃଖ ପ୍ରକାଶ କରିବା ସହ ଶୋକ ସନ୍ତପ୍ତ ପରିବାର୍ଗଙ୍କ ପ୍ରତି ସମବେଦନା ଜଣାଇଛନ୍ତି । ସେହିଭଳି ରାହୁଲ ଗାନ୍ଧୀ ମଧ୍ୟ ଟ୍ୱିଟ୍ କରି ଶୋକ ବ୍ୟକ୍ତ କରିଛନ୍ତି ।
