ଟେକ୍ ଅଫ୍ କଲା ରାଫେଲ,୨୯ରେ ଭାରତରେ ଲ୍ୟାଣ୍ଡିଂ

ନୂଆଦିଲ୍ଲୀ: ଶେଷରେ ଅପେକ୍ଷାର ଅନ୍ତ ହୋଇଛି । ମାଟିରୁ ଟେକ୍ ଅଫ୍ କରିଛି ରାଫେଲ । ଆକାଶରେ ଏବେ ରାଫେଲ । ଭାରତ ମୁହାଁ ରାଫେଲ । ସୋମବାର ଭାରତୀୟ ସମୟ ଅନୁସାରେ ମଧ୍ୟାହ୍ନ ୧୨.୩୦ରେ ଫ୍ରାନ୍ସର ମେରିଗ୍ନାକ୍ ଏୟାରବେସରୁ ୫ ରାଫେଲ ଭାରତ ଅଭିମୁଖେ ଉଡାଣ ଆରମ୍ଭ କରିଥିଲେ । ୨୯ ତାରିଖ ଅର୍ଥାତ ବୁଧବାର ଦିନ ଏହି ୫ ଫାଇଟର ପ୍ଲେନ୍ ଅମ୍ବାଲା ଏୟାରବେସର ଲ୍ୟାଣ୍ଡିଂ କରିବେ । ଭାରତରେ ପହଂଚିବା ପୂର୍ବରୁ ସମସ୍ତ ୫ ବିମାନ UAEର ଆବୁଧାବି ନିକଟରେ ଥିବା ଅଲ ଦ୍ରଫା ଫରାସୀ ବିମାନ ଘାଟିରେ ଅଟକିବେ । ସେଠାରୁ ଏହି ୫ ବିମାନ ଅମ୍ବାଲା ଆସିବେ । ଫ୍ରାନ୍ସରୁ କିଣା ଯାଇଥିବା ୫ ରାଫେଲ ମଧ୍ୟରେ ଦୁଇଟି ଟ୍ରେନର ଏୟାରକ୍ରାଫ୍ଟ ସାମିଲ ଅଛନ୍ତି ।  ବାକି ତିନି ଯୁଦ୍ଧ ବିମାନ ।

ରାଫେଲ ବଢାଇବ ଚୀନ୍ ଚିନ୍ତା !

Bon Voyage: Indian Ambassador to #France interacts with the Indian pilots of the Rafale. Congratulates and wishes them a safe flight to India with a single hop. #ResurgentIndia #NewIndia #Rafale@IAF_MCC @MeaIndia @rajnathsingh @Dassault_OnAir @DefenceMinIndia @PMOIndia pic.twitter.com/jk3IWD9tYU

— India in France (@IndiaembFrance) July 27, 2020

ଲଦାଖରେ ଭାରତ ଚୀନ୍ ମୁହାଁମୁହିଁ ଅବସ୍ଥାରେ ଅଛନ୍ତି । ଚୀନର ବିସ୍ତାରବାଦୀ ନୀତିକୁ ଭାରତ ଯବାବ ଦେଉଥିବା ବେଳେ ଡ୍ରାଗାନ ତାର ମିଲିଟାରି ମଶଲ ଦେଖାଇ ଭାରତକୁ ଡରାଇବାକୁ ଚାହୁଁଛି । ଏମିତିରେ ରାଫେଲ ବାୟୁସେନାରେ ସାମିଲ ହେବା ଡ୍ରାଗନକୁ ନିଶ୍ଚୟ ଡରାଉଥିବ । କାରଣ ରାଫେଲ ଫିଫ୍ଥ ଜେନେରେସନର ଏମିତି ଯୁଦ୍ଧ ବିମାନ ଯାହାର ଯବାବ ଚୀନ୍ ପାଖରେ ମଧ୍ୟ ନାହିଁ । ଭାରତ ତା’ର ବାୟୁ ଶକ୍ତି କ୍ଷମତା ବଢାଇବାକୁ ନେଇ ଚୀନ ଅସନ୍ତୁଷ୍ଠ ଅଛି । ଏମିତିରେ ରାଫେଲ ଡ୍ରାଗନର ଚିନ୍ତାକୁ ଆହୁରି ବଢାଇ ଦେବ ।

ବାୟୁସେନା ରାଫେଲରେ ୬୦ କିଲୋମିଟର ପର୍ଯ୍ୟନ୍ତ  ଆକାଶରୁ ମାଟିକୁ ଲକ୍ଷ୍ୟଭେଦ କରି ପାରୁଥିବା କ୍ଷେପଣାସ୍ତ୍ର ଲଗାଇବା ପାଇଁ ଚିନ୍ତା କରୁଛି । ବାୟୁସେନା ଏବେ ମଧ୍ୟମ ଦୂରତା ପର୍ଯ୍ୟନ୍ତ ଲକ୍ଷ୍ୟଭେଦ କରିପାରୁଥିବା ମୋଡ୍ୟୁଲାର ଅସ୍ତ୍ର ପ୍ରଣାଳୀ ହାମର କିଣିବା ଉପରେ ବିଚାର କରୁଛି । ହାମର ମିଶାଇଲକୁ ଏକ ଫରାସୀ କଂପାନୀ ତିଆରି କରିଛି । ସାଫରାନ୍ ଦ୍ୱାର ବିକଶିତ ଏହି ମିଶାଇଲର ଲକ୍ଷ୍ୟଭେଦ ଶକ୍ତି ସଠିକ । ଏହି ମିଶାଇଲକୁ ଫରାସୀ ନୌସେନା ଓ ବାୟୁସେନା ପାଇଁ ବିକଶିତ କରାଯାଇଥିଲା । ଏବେ ଭାରତ ଏହାକୁ ନିଜ ବାୟୁସେନାରେ ସାମିଲ କରିବାକୁ ଚାହୁଁଛି ।

ଚୀନ ସହ ସୀମା ବିବାଦ ଭିତରେ ପ୍ରତିରକ୍ଷା ମନ୍ତ୍ରଣାଳୟ ତିନି ସେନା ପାଇଁ ଆବଶ୍ୟକ ଉପକରଣ କ୍ରୟ କରିବା ପାଇଁ ୩୦୦ କୋଟି କେବଳ ଜୁଲାଇ ମାସରେ ମଂଜୁର କରିଥିଲେ ।  ଭାରତ ୫୮ ହଜାର କୋଟି ଟଙ୍କା ଦେଇ ୩୬ ରାଫେଲ କିଣିବା ପାଇଁ ସେପ୍ଟେମ୍ବର ୨୦୧୬ରେ ଫ୍ରାନ୍ସ ସହ ଚୁକ୍ତି କରିଥିଲା । ଏହି ୩୬ ବିମାନ ମଧ୍ୟରୁ ୩୦ ଯୁଦ୍ଧ ବିମାନ ହୋଇଥିବା ବେଳେ ୬ ପ୍ରଶିକ୍ଷଣ ବିମାନ ।