ହୀରାକୁଦରେ ଖୋଲିଲା ଆଉ ୫ଟି ଗେଟ, ରାତି ୧୨ରେ ପିକରେ ପହଞ୍ଚିବ ବନ୍ୟାଜଳ

ସମ୍ବଲପୁର : ଖୋଲିଲା ହୀରାକୁଦର ଆଉ ୫ଟି ଗେଟ । ବର୍ତ୍ତମାନ ମୋଟ ୧୨ଟି ଗେଟ ଦେଇ ନିଷ୍କାସିତ ହେଉଛି ବନ୍ୟାଜଳ । ୬୧୭.୨୫  ଫୁଟରେ ପହଞ୍ଚିଲା ହୀରାକୁଦ ଜଳ ଭଣ୍ଡାରର ଜଳସ୍ତର । ବର୍ତମାନ ଡ୍ୟାମ ଭିତରକୁ ପ୍ରବେଶ କରୁଛି ୪ ଲକ୍ଷ ୯୨ ହଜାର ୯୧୧ ଘନଫୁଟ ବନ୍ୟାଜଳ  ।ବିଭିନ୍ନ ସ୍ଥାନରେ ବରିଷ୍ଠ ଅଧିକାରୀ ସତର୍କ ରହିଛନ୍ତି । ୭ଟି ଗେଟ୍ ଦେଇ ନିଷ୍କାସିତ ହେଉଛି ୧ ଲକ୍ଷ ୫୬ ହଜାର ୬୭୬ ଘନଫୁଟ ବନ୍ୟାଜଳ  । ସେପଟେ ରାତି ୧୨ଟାରେ ପିକ୍‌ରେ ପହଂଚିବ ବନ୍ୟାଜଳ । ଛତିଶଗଡର ସମୋଦା ବ୍ୟାରେଜର ୮ଟି ଗେଟ୍ ଖୋଲାଯାଇଛି । ୮ଟି ଗେଟ ଦେଇ ସମୋଦାରୁ ବନ୍ୟାଜଳ ନିଷ୍କାସନ କରାଯାଉଛି । ଫଳରେ ହୀରାକୁଦର ଜଳସ୍ତର ଆହୁରି ବଢିବ ବୋଲି ସୂଚନା ଦେଇଛନ୍ତି ହୀରାକୁଦ ଡ୍ୟାମ ମୁଖ୍ୟଯନ୍ତ୍ରୀ ଆନନ୍ଦ ଚନ୍ଦ୍ର ସାହୁ।