ସ୍ୱାଭାବିକ ଠାରୁ ୫ ପ୍ରତିଶତ କମିଛି ବର୍ଷା, ଆଗାମୀ ଦୁଇ ଦିନରେ ସାମାନ୍ୟ ବର୍ଷା ସମ୍ଭାବନା
ଭୁବନେଶ୍ୱର: ଗତ ବର୍ଷ ଭଳି ଚଳିତ ବର୍ଷ ମଧ୍ୟ ରାଜ୍ୟରେ କମିଛି ବର୍ଷାର ପରିମାଣ । ଗତ ବର୍ଷ ଜୁଲାଇ ୨୩ ତାରିଖ ସୁଦ୍ଧା ରାଜ୍ୟରେ ୩୧୯ ମିଲିମିଟର ବର୍ଷା ହୋଇଥିବା ରେକର୍ଡ କରାଯାଇଥିଲା । ତେବେ ବର୍ତ୍ତମାନ ସୁଦ୍ଧା ରାଜ୍ୟରେ ୪୪୭.୫ ମିଲିମିଟର ବର୍ଷା ହୋଇଥିବା ବେଳେ ଏହା ସ୍ୱାଭାବିକ ଠାରୁ ୫ ପ୍ରତିଶତ କମ୍ ରହିଛି ।
ମୌସୁମି ଓଡିଶା ଛୁଇଁବା ପର ଠାରୁ ରାଜ୍ୟର ୬ଟି ଜିଲ୍ଲା କଟକ,ଖୋର୍ଦ୍ଧା, ପୁରୀ ,ବାଲେଶ୍ଵର ,ଯାଜପୁର, କେନ୍ଦ୍ରାପଡା ରେ ୨୦% ରୁ କମ ବର୍ଷା ହୋଇଥିବା ରେକର୍ଡ ହୋଇଛି। ଏବେ ଆହୁରି ୩ଟି ଜିଲ୍ଲା ଏଥିରେ ଯୋଡି ହୋଇଛି।
ପୁରୀ ଜିଲ୍ଲାର ରେ ଚଳିତ ବର୍ଷ ସବୁଠାରୁ କମ ବର୍ଷା ହୋଇଥିବା ରେକର୍ଡ କରାଯାଇଛି। ଆଗାମୀ ଦୁଇ ଦିନରେ ରାଜ୍ୟରେ ସ୍ୱଳ୍ପରୁ ମଧ୍ୟମ ଧରଣ ବର୍ଷା ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି। ଗତ ୨୪ ଘଣ୍ଟାରେ ରାଜ୍ୟର ନବରଙ୍ଗପୁର ଜିଲ୍ଲାରେ ସର୍ବାଧିକ ୬୦ ମିଲିମିଟର ବର୍ଷା ହୋଇଥିବା ପାଣିପାଗ ବିଭାଗ ପକ୍ଷରୁ ସୂଚନା ରହିଛି ।
