ଅଶ୍ଳୀଳ ଭିଡ଼ିଓ ଏବଂ ବ୍ଲାକ୍ମେଲ ମାମଲା: 5 ଜଣକୁ ଗିରଫ କଲା ପୋଲିସ
1 min read
ଜୟପୁର: ଅଶ୍ଳୀଳ ଭିଡ଼ିଓ ସୁଟ୍ କରି ବ୍ଲାକ୍ମେଲ କରିବା ମାମଲାରେ 5 ଜଣକୁ ଗିରଫ କରି କରିଛି ଜୟପୁର ଟାଉନ୍ ପୋଲିସ୍ । ସ୍ଥାନୀୟ ଅଞ୍ଚଳର ଜଣେ ଯୁବକ ଓ ଯୁବତୀ ପାରବେଡା ନିକଟ ଶିବ ମନ୍ଦିର ରାସ୍ତାରେ କଥା ହେଉଥିବା ବେଳେ 2ଜଣ ଯୁବକ ସେମାନଙ୍କୁ ଛୁରୀ ଦେଖାଇ ଭୟଭୀତ କରିବା ସହ ପାହାଡ ଉପରକୁ ନେଇ ଯାଇଥିଲେ । ସେଠାରେ ଥିବା ଅନ୍ୟ ଯୁବକମାନେ ମିଶି ଉଭୟଙ୍କୁ ଅଶ୍ଳୀଳ ଆଚରଣ କରିବାକୁ ବାଧ୍ୟ କରିଥିଲେ ।
ଏହାକୁ ମୋବାଇଲରେ ରେକର୍ଡ କରି 50 ହଜାର ଟଙ୍କା ଦେବାକୁ ବାଧ୍ୟ କରିଥିଲେ । ପୀଡିତ ଯୁବକ ସେମାନଙ୍କୁ କିଛି ଟଙ୍କା ଓ ମୋବାଇଲ ଦେଇ ଫେରି ଯାଇଥିବାବେଳେ ବଳକା ଟଙ୍କା ପରେ ଦେବାକୁ କହିଥିଲେ । ଏନେଇ ଅଭିଯୋଗ ପରେ ଯୋଜନା ମୁତାବକ ଟଙ୍କା ନେବାବେଳେ ଅଭିଯୁକ୍ତମାନଙ୍କୁ କାବୁ କରିଛି ପୋଲିସ୍ । ସେମାନଙ୍କ ନିକଟରୁ ଗୋଟିଏ ଛୁରୀ, ଗୋଟିଏ ସ୍କୁଟି ଓ 7 ହଜାର ଟଙ୍କା ଜବତ କରାଯାଇଥିବା ସାମ୍ବାଦିକ ସମିଳନୀରେ ସୂଚନା ଦେଇଛନ୍ତି ଜୟପୁର SDPO ।
