୪୧ ଲକ୍ଷରୁ ଊର୍ଦ୍ଧ୍ବ ଟଙ୍କାର ଜାଲ୍ ନୋଟ୍ ଜବତ, ଜଣେ ଗିରଫ

ସୋନପୁର: STF ଜାଲରେ ଜାଲ୍ ନୋଟ୍ ରାକେଟ୍ । ୪୧ ଲକ୍ଷ ୧୬ ହଜାର ଟଙ୍କାର ଜାଲ୍ ନୋଟ୍ ଜବତ । ସୋନପୁରରୁ ଜବତ ହେଲା ନୋଟ୍ । ଜାଲ୍ ନୋଟ୍ ପ୍ରସ୍ତୁତି ସରଞ୍ଜାମ ଜବତ, ଜଣେ ଗିରଫ ।

ରାଜ୍ୟ ବାହାରକୁ ଜାଲ୍ ନୋଟ୍ ରାକେଟର ଚେର ଲମ୍ବିଥିବା ବେଳେ ଛତିଶଗଡ଼କୁ ଚାଲାଣ ହେଉଥିବା ସନ୍ଦେହ କରାଯାଉଛି । ନକଲି ନୋଟଗୁଡିକୁ ଯାଞ୍ଚ ପାଇଁ ପଶ୍ଚିମବଙ୍ଗର ଭାରତୀୟ ରିଜର୍ଭ ବ୍ୟାଙ୍କ ପ୍ରିଣ୍ଟିଂ ପ୍ରେସକୁ ପଠାଯାଇଛି । ଗିରଫ ଅଭିଯୁକ୍ତ ଜଣଙ୍କ ହେଲେ ସୋନପୁର ଉଲୁଣ୍ଡାର ଦୀପକ ମେହେର । ଅଭିଯୁକ୍ତକୁ ବୀରମହାରାଜପୁର SDJM କୋର୍ଟରେ ହାଜର କରାଯାଇଛି ।