ଯାନ୍ତ୍ରିକ ତ୍ରୁଟି ପାଇଁ ମଝି ଚିଲିକାରେ ଫସିଲା ଡଙ୍ଗା, ପାଣି ମଝିରେ ଅଟକି ରହିଲେ ୪୦ ଯାତ୍ରୀ

ବ୍ରହ୍ମଗିରି: ମଝି ଚିଲିକାରେ ୪୦ ମିନିଟ୍ । ଯାନ୍ତ୍ରିକ ତ୍ରୁଟି ଯୋଗୁ ଚିଲିକା ମଝିରେ ବନ୍ଦ ହୋଇଗଲା ଡ଼ଙ୍ଗା । ଫଳରେ ଜହ୍ନିକୁଦାରୁ ସାତପଡ଼ାକୁ ଯାତ୍ରୀ ନେଇ ଯାଉଥିବା ଡ଼ଙ୍ଗା ୪୦ ମିନିଟ୍ ପାଣି ମଝିରେ ଅଟକି ରହିଥିଲା । ଯାନ୍ତ୍ରିକ ତ୍ରୁଟି ଯୋଗୁ ଡଙ୍ଗା ଆଗକୁ ଯାଇ ପାରିନଥିଲା । ଦୀର୍ଘ ୪୦ ମିନିଟ୍ ପରେ ଯାନ୍ତ୍ରିକ ତ୍ରୁଟିର ମରାମତି ହୋଇଛି । ଏହାପରେ ଡ଼ଙ୍ଗା କୂଳରେ ସୁରକ୍ଷିତ ଭାବେ ଯାତ୍ରୀଙ୍କୁ ଛାଡ଼ିଛି । ଡ଼ଙ୍ଗାରେ ୪୦ରୁ ଅଧିକ ଯାତ୍ରୀ ଥିବାବେଳେ ୯ଟି ମୋଟର ସାଇକେଲ ଥିଲା । ସମସ୍ତ ଯାତ୍ରୀ କୃଷ୍ଣପ୍ରସାଦ ବ୍ଲକ ଅଂଚଳର ହୋଇଥିବା ସୂଚନା ମିଳିଛି ।