କଟକ: ଫେରିଆସିଲା ମୋ ଧନ। ପୁଅ ଉଦ୍ଧାର ପରେ ମା ମନରେ ଅମାପ ଖୁସି। ମୋବାଇଲ ଟାଓ୍ବାର ଉପରେ ଫସି ରହିଥିବା ୪ବର୍ଷର ଶିଶୁ ଉଦ୍ଧାର। ଅଗ୍ନିଶମ ବାହିନୀର ନାନା କସରତ ପରେ ଶିଶୁ ଉଦ୍ଧାର ହୋଇଥିବାରୁ ପୂରା ଅଞ୍ଚଳରେ ଖୁସି ଲହରି। କଟକ ଜିଲ୍ଲା କଣ୍ଟାପଡା ବ୍ଲକ ପାଟସୁନ୍ଦରପୁରରେ ଘଟିଛି ଘଟଣା। ଗାଁର କୈଳାସ ସେଠୀଙ୍କ ୪ବର୍ଷର ପୁଅ ଘର ପାଖରେ ଥିବା ଦୁଇ ଶହ ଫୁଟ୍ର ମୋବାଇଲ ଟାଓ୍ବାର ଉପରେ ଚଢ଼ି ଯାଇଥିଲା। ଟାଓ୍ବାର ପାଖରେ କୌଣସି ପାଚେରୀ ନଥିବାରୁ ଏପରି ଅବସ୍ଥା ସୃଷ୍ଟି ହୋଇଛି ବୋଲି ଅଭିଯୋଗ ହୋଇଛି। ଘଟଣା ପରେ ପରିବାର ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା। ପରିବାର ଜଣେ ସଦସ୍ୟ ମୋବାଇଲ ଟାଓ୍ବାରକୁ ଚଢି ଛୁଆ ପାଖରେ ପହଞ୍ଚିଥିଲେ ମଧ୍ୟ ଆଉ ଉହ୍ଲାଇପାରିନଥିଲେ। ଶିଶୁଟିକୁ ଉଦ୍ଧାର କରିବା ପାଇଁ ଅଗ୍ନିଶମ ବାହିନୀକୁ ଯୋଗାଯୋଗ କରାଯାଇଥିଲା।
