ଭାରତରେ ବଢ଼ିଲା କରୋନାର ବ୍ରିଟେନ୍ ଷ୍ଟ୍ରେନ୍ ମାମଲା, ସଂଖ୍ୟା ୨୯କୁ ବୃଦ୍ଧି

ନୂଆଦିଲ୍ଲୀ: ଦେଶରେ ବଢ଼ୁଛି ବ୍ରିଟେନ୍ ଷ୍ଟ୍ରେନ୍ ସଂକ୍ରମିତଙ୍କ ସଂଖ୍ୟା । ଆଜି ଦେଶରେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ୪ ଜଣଙ୍କ ଠାରେ କରୋନା ନୂଆ ଷ୍ଟ୍ରେନ୍ ରହିଛି । ଏଥିସହ ଦେଶରେ କରୋନାର ନୂଆ ଷ୍ଟ୍ରେନ୍ ମାମଲା ୨୯କୁ ବୃଦ୍ଧି ପାଇଛି । ଏନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି ।

#IndiaFightsCorona#Unite2FightCorona

Update on the persons found infected with the new UK variant #COVID19 virus. pic.twitter.com/7iXYEJhQyZ

— Ministry of Health (@MoHFW_INDIA) January 1, 2021

ଏଯାବତ୍ ଦେଶରେ କରୋନାର ବ୍ରିଟେନ୍ ଷ୍ଟ୍ରେନ୍ ୨୯ ଜଣଙ୍କ ଠାରେ ଚିହ୍ନଟ ହୋଇଛି । ଏନସିଡିସି ଦିଲ୍ଲୀ ଅଧିନରେ ୮ଟି, ଆଇଜିଆଇବି ଦିଲ୍ଲୀ ଅଧିନରେ ୨ଟି, ଏନ୍ଆଇବିଏମଜି କଲ୍ୟାଣୀ ଅଧିନରେ ଗୋଟିଏ, ଏନଆଇଭି ପୁନେ ଅଧିନରେ ୫ଟି, ସିସିଏମବି ହାଇଦ୍ରାବାଦ ଅଧିନରେ ୩ ଏବଂ NIMHANS ବେଙ୍ଗଳୁରୁ ଅଧିନରେ ୧୦ଟି ୟୁକେ ଷ୍ଟ୍ରେନ୍ ମାମଲା ଏଯାବତ୍ ଦେଶରେ ଚିହ୍ନଟ ହୋଇଛି ।

ଅନ୍ୟପଟେ ଆଜି ସେଣ୍ଟ୍ରାଲ ଡ୍ରଗ୍ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ଅର୍ଗାନାଇଜେସନର ସବଜେକ୍ଟ ଏକ୍ସପର୍ଟ କମିଟିର ବୈଠକ କରୋନା ଭ୍ୟାକ୍ସିନ୍ ଉପରେ ବସିଛି । ଟିକାର ଜରୁରୀକାଳୀନ ବ୍ୟବହାର ନେଇ ୩ଟି ଔଷଧ କମ୍ପାନୀ ମାଗିଥିବା ଅନୁମତି ଆବେଦନର ତଥ୍ୟକୁ ବୈଠକରେ ତର୍ଜମା କରାଯିବ । ଏହି କମିଟିର ସୁପାରିସ୍ ଅନୁଯାୟୀ ନିଷ୍ପତ୍ତି ନେବେ ଡିସିଜିଆଇ । ଆସନ୍ତାକାଲି ଟିକା ପାଇଁ ଦେଶବ୍ୟାପୀ ଡ୍ରାଏ ରନ୍ କରାଯିବ ।

ଏଥିସହ ପଢ଼ନ୍ତୁ- କରୋନା ଭ୍ୟାକ୍ସିନ୍ ନେଇ ବର୍ଷର ପ୍ରଥମ ଦିନରେ ଆସିପାରେ ବଡ଼ ନିଷ୍ପତ୍ତି