ମେଲବର୍ଣ୍ଣରେ ଟିମ୍ ଇଣ୍ଡିଆର ମହାବିଜୟ, ଏଡିଲେଡରେ ହାରିବା ପରେ ମେଲବର୍ଣ୍ଣରେ ନେଲା ପ୍ରତିଶୋଧ
ମେଲବର୍ଣ୍ଣ: ମେଲବର୍ଣ୍ଣ ଗ୍ରାଉଣ୍ଡରେ ଭାରତର ବାଜିମାତ୍। ଅଜିଙ୍କ୍ୟ ରାହାଣେଙ୍କ କ୍ୟାପ୍ଟେନସିପରେ କଙ୍ଗାରୁ ଦଳକୁ ଧୂଳି ଚଟେଇଲା ଭାରତ। ଏଡିଲେଡଠାରେ ଅନୁଷ୍ଠିତ ଟେଷ୍ଟ ମ୍ୟାଚରେ ହାରିବା ପରେ ପ୍ରତିଶୋଧ ନେଇଛନ୍ତି ଭାରତୀୟ ଖେଳାଳି। ମଙ୍ଗଳବାର ଦ୍ୱିତୀୟ ଟେଷ୍ଟ ମ୍ୟାଚର ଚତୁର୍ଥ ଦିନରେ ଟିମ୍ ଇଣ୍ଡିଆ ଆୟୋଜକ ଅଷ୍ଟ୍ରେଲିଆକୁ ୮ ୱିକେଟରେ ପରାସ୍ତ କରିଛି।
ସିରିଜର ତୃତୀୟ ଟେଷ୍ଟ ୭ ଜାନୁୟାରୀରେ ଖେଳାଯିବ। ଏଡିଲେଡ ଠାରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚ୍ରେ ଭାରତକୁ ପରାଜୟର ମୁହଁ ଦେଖିବାକୁ ପଡ଼ିଥିଲା। ଦ୍ୱିତୀୟ ମ୍ୟାଚରେ ଭାରତୀୟ ଦଳର କ୍ୟାପଟେନ ବିରାଟ କୋହଲି ଅନୁପସ୍ଥିତ ଥିବାରୁ ରାହାଣେଙ୍କୁ କ୍ୟାପଟେନ୍ସି ମିଳିଥିଲା। ତେବେ କୋହଲିଙ୍କ ଅନୁପସ୍ଥିତିରେ ଟିମ୍ ଭଲ ପ୍ରଦର୍ଶନ କରିଛି ।
ଏଡିଲେଡରେ ଅଷ୍ଟ୍ରେଲିଆ ଦଳ ବିରାଟ କୋହଲିଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆକୁ ପରାସ୍ତ କରିଥିଲା। କିନ୍ତୁ କୋହଲିଙ୍କ ଅନୁପସ୍ଥିତିରେ ଅଜିଙ୍କ୍ୟ ରାହାଣେ ମେଲବର୍ଣ୍ଣରେ ଅଧିନାୟକତ୍ୱ ପାଇବା ମାତ୍ରେ ସେ କଙ୍ଗାରୁଙ୍କ ଠାରୁ ପରାଜୟର ପ୍ରତିଶୋଧ ନେଇଥିଲେ। ଏଡିଲେଡ୍ ଟେଷ୍ଟର ଦ୍ୱିତୀୟ ଇନିଂସରେ ଟିମ୍ ଇଣ୍ଡିଆକୁ ଅଷ୍ଟ୍ରେଲିଆ ୩୬ ରନରେ ପରାସ୍ତ ସହ ୮ ୱିକେଟରେ ମ୍ୟାଚ୍ ଜିତିଥିଲା।
