କୁଶଭଦ୍ରା ନଦୀରେ ଘାଇ, ଶତାଧିକ ଗାଁ ଜଳମଗ୍ନ

ଗୋପ: ବନ୍ୟାରେ ବେହାଲ ଅଧା ଓଡ଼ିଶା । ମହାନଦୀରେ ପ୍ରବଳ ବନ୍ୟା ଆସିବା ଫଳରେ ମହାନଦୀର ଶାଖା ନଦୀରେ ମଧ୍ୟ ଜଳସ୍ତର ବୃଦ୍ଧି ହେବାରେ ଲାଗିଛି । କୁଶଭଦ୍ରା ନଦୀରେ ସୃଷ୍ଟି ହୋଇଛି ଏକ ଘାଇ । ଗୋପ ଗଣେଶ୍ୱରପୁର ପଞ୍ଚାୟତ ଖଣ୍ଡିଆକୁଦରେ ସୃଷ୍ଟି ହୋଇଛି ଘାଇ । ପ୍ରାୟ ୨୫ ଫୁଟର ଘାଇ ସୃଷ୍ଟି ହୋଇ ଗାଁକୁ ମାଡ଼ି ଆସିଛି ବନ୍ୟାଜଳ । ୬ଟି ପଞ୍ଚାୟତର ଶତାଧିକ ଗାଁ ଏବେ ଜଳବନ୍ଦୀ ହୋଇ ରହିଛି । ସେହିପରି ଘାଇ ସୃଷ୍ଟି ହେବା ଫଳରେ ହଜାର ହଜାର ହେକ୍ଟର ଚାଷ ଜମି ଜଳମଗ୍ନ ହୋଇଛି ।