ବଜେଟରେ ମିଶନ ଶକ୍ତି ଲାଗି ୨ ହଜାର କୋଟି

ଭୁବନେଶ୍ବର: ବିଧାନସଭାରେ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କଲେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ । ଏଥିରେ ମିଶନ ଶକ୍ତି ପାଇଁ ୨୦୨୨-୨୩ ଆର୍ଥିକ ବଜେଟରେ ୨ ହଜାର କୋଟି ଟଙ୍କା ବ୍ୟୟ ବରାଦ କରାଯାଇଛି । ବଜେଟ୍ ଉପସ୍ଥାପନ ବେଳେ ମନ୍ତ୍ରୀ କହିଛନ୍ତି, ‘ମହିଳା ସଶକ୍ତିକରଣ କ୍ଷେତ୍ରରେ ମୁଖ୍ୟମନ୍ତ୍ରୀ ଦେଖିଥିବା ସ୍ବପ୍ନ ପୂରଣ ହୋଇଛି । ମାତ୍ର ଦୁଇ ଦଶଦ୍ଧିରେ ମିଶନ ଶକ୍ତି ୬ ଲକ୍ଷରୁ ଅଧିକ ସ୍ବୟଂ ସହାୟକ ଗୋଷ୍ଠୀରେ ୭୦ ଲକ୍ଷ ମହିଳାଙ୍କୁ ଏକାଠି କରିପାରିଛି । ଲକ୍ଷ ଲକ୍ଷ ମହିଳାଙ୍କ ଯୋଗଦାନରେ ଗଠିତ ଏସଏଚଜିମାନଙ୍କ ପାଇଁ ସ୍ଥାନୀୟ ଜୀବିକା ଉପାର୍ଜନ ସୁଯୋଗ ସୁନିଶ୍ଚିତ ହୋଇପାରିଛି  । ମିଶନ ଶକ୍ତି ମହିଳାଙ୍କୁ ନୂଆ ପରିଚୟ ଦେଇପାରିଛି  । ଜନ୍ମଦାତ୍ରୀରୁ ଏବେ ମା’ମାନଙ୍କୁ ନିର୍ଣ୍ଣୟକାରୀ ଭାବେ ଗ୍ରହଣ କରାଗଲାଣି ।’

ବଜେଟରେ ମିଶନ ଶକ୍ତି ଲାଗି ୨ହଜାର କୋଟି ଟଙ୍କା ବ୍ୟୟବାରଦ ହୋଇଥିବା ବେଳେ ଜାତୀୟ ଗ୍ରାମୀଣ ମିଶନ ଲାଗି ୧ ହଜାର ୩୯ କୋଟିର ବ୍ୟୟବରାଦ ହୋଇଛି । ମିଶନ ଶକ୍ତିରେ ଆର୍ଥିକ ସହାୟତା ଲାଗି ୭୭୩ କୋଟି, ମହିଳା ଏସଏଚଜିର ଗୃହ ନିର୍ମାଣ ଲାଗି ୧୭୬ କୋଟି, ମମତା ଯୋଜନା ଲାଗି ୨୪୭ କୋଟି, ବିଜୁ ସୁରକ୍ଷା ଓ ଆଶୀର୍ବାଦ ଯୋଜନା ଲାଗି ୪୩ କୋଟି, ପିଲାଙ୍କୁ ୟୁନିଫର୍ମ ଲାଗି ୭୮ କୋଟି ଟଙ୍କାର ବ୍ୟୟବରାଦ ହୋଇଛି ।

ସେହିପରି ସକ୍ଷମ ଅଙ୍ଗନବାଡ଼ି, ପୋଷଣ 2.0 ଲାଗି ୨,୩୯୭ କୋଟି, ଆଇସିଡିଏସ ସହାୟତା ଲାଗି ୪୧୬ କୋଟି ଟଙ୍କାର ବ୍ୟୟ ବରାଦ କରିଛନ୍ତି ଅର୍ଥମନ୍ତ୍ରୀ ।

ସେହିପରି ବଜେଟରେ କୃଷି ଉପରେ ଗୁରୁତ୍ବ ଦିଆଯାଇଛି ।