ରାଜଧାନୀରେ ଭୟଙ୍କର ଅଗ୍ନିକାଣ୍ଡ, ୨୬ ମୃତ

1 min read

ନୂଆଦିଲ୍ଲୀ: ଶୁକ୍ରବାର ସନ୍ଧ୍ୟାରେ ଦିଲ୍ଲୀରେ ଭୟାବହ ଅଗ୍ନକାଣ୍ଡ ଘଟିଛି । ଦିଲ୍ଲୀ ମୁଣ୍ଡକା ଅଞ୍ଚଳରେ ତିନି ମହଲା ବିଶିଷ୍ଟ ଏକ କମର୍ସିଆଲ ବିଲଡିଂରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡରେ ୨୦ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ଏହି ବିଲଡିଂରୁ ୫୦ ଜଣଙ୍କୁ ଉଦ୍ଧାର କରାଯାଇଛି ବୋଲି କହିଛନ୍ତି ଡିସିପି ସମୀର ଶର୍ମା । ଏବେ ବି ନିଆଁ ଲିଭା କାର୍ଯ୍ୟରେ ୧୭ଟି ଦମକଳ ଗାଡ଼ି ନିୟୋଜିତ ହୋଇଛି । ଏବେ ବି ଅନେକ ଲୋକ ସେହି ବିଲଡିଂରେ ଫସି ରହିଛନ୍ତି । ତେଣୁ ଆଗାମୀ ସମୟରେ ମୃତାହତ ସଂଖ୍ୟା ବଢ଼ିପାରେ ବୋଲି ଆଶଙ୍କା କରାଯାଉଛି ।

ସୂଚନା ଅନୁସାରେ ଆଜି ସନ୍ଧ୍ୟା ୪ଟା୪୫ରେ ଦିଲ୍ଲୀର ମୁଣ୍ଡକା ଅଞ୍ଚଳରେ ଏକ ଅଫିସରେ ନିଆଁ ଲାଗିଥିବା ଖବର ମୁଣ୍ଡକା ପୋଲିସ ଷ୍ଟେସନକୁ ମିଳିଥିଲା । ଏହି ଖବର ମିଳିବା ପରେ ଅଗ୍ନିଶମ ବିଭାଗ ଓ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ତେବେ ଏହି କୋଠାରେ ବିଭିନ୍ନ କମ୍ପାନିଙ୍କ କାର୍ଯ୍ୟାଳୟ ଥିଲା ବୋଲି କହିଛନ୍ତି ଡିସିପି ସମୀର ଶର୍ମା । ଏହି ଘଟଣାରେ ଶୋକ ପ୍ରକାଶ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ ।

[DISPLAY_ULTIMATE_SOCIAL_ICONS]