ପୁଣି ଅଶାନ୍ତ ଜାମ୍ମୁ ଓ କାଶ୍ମୀର; ଆଇଇଡି ବିସ୍ଫୋରଣରେ ୨ ଯବାନ ସହିଦ
ନନ୍ଦିଘୋଷ ବ୍ୟୁରୋ: ଜମ୍ମୁ ଓ କାଶ୍ମୀରର ଅଖନୁର ସେକ୍ଟରରେ ଆଇଇଡି ବିସ୍ଫୋରଣରେ ୨ ଯବାନଙ୍କ ସହିଦ ହେବା ଘଟଣା। ଅଖନୁର ସମେତ ଅନ୍ୟାନ୍ୟ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼଼ାକଡି କରାଯାଇଛି। ସେନା ପକ୍ଷରୁ ସେଠାରେ ସର୍ଚ୍ଚ ଅପରେସନ ଜୋରଦାର ଚାଲିଛି।
ଗତକାଲି ଏଲଓସିରେ ୩ ଜଣିଆ ସେନା ଟିମ ପାଟ୍ରୋଲିଂ କରୁଥିବାବେଳେ ଆଇଇଡି ବିସ୍ଫୋରଣ ଘଟିଥିଲା। ଗୁରୁତର ଅବସ୍ଥାରେ ସେମାନଙ୍କୁ ସ୍ଥାନୀୟ ହସ୍ପିଟାଲକୁ ନିଆଯାଇଥିଲା। ମାତ୍ର ସେଠାରେ ଜଣେ କ୍ୟାପଟେନଙ୍କ ସମେତ ୨ ଜଣଙ୍କ ମୃତ୍ୟୁ ଘଟିଥିଲା। ଏନେଇ ସୂଚନା ଦେଇଥିଲେ ଜାମ୍ମୁର ହ୍ବାଇଟ ନାଇଟ କର୍ପ୍ସ ୟୁନିଟ। ଆଇଇଡି ବିସ୍ଫୋରଣ ପରେ ସେଠାକୁ ଅଧିକ ସଂଖ୍ୟକ ସେନା ପଠାଯାଇଛି।
ସେପଟେ ୨ ଯବାନଙ୍କ ସହିଦ ହେବା ଘଟଣାରେ ସମ୍ବାସ୍ଥିତ କାମିଲା ଅଞ୍ଚଳରେ ଶୋକର ଛାୟା ଖେଳିଯାଇଛି।
