ତଦନ୍ତରେ ଅବହେଳା ଯୋଗୁଁ ନିଲମ୍ବିତ ହେଲେ ଦୁଇ ପୋଲିସ ବାବୁ

ଢେଙ୍କାନାଳ/ଅନୁଗୁଳ: ଦୁଇ ପୋଲିସ ଅଫିସର୍‌ ସସ୍‌ପେଣ୍ଡ । ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା ଅଧିକାରୀ ଏବଂ ଅନୁଗୁଳ ଥାନା ସବ୍‌- ଇନ୍‌ସ୍ପେକ୍ଟରଙ୍କୁ ଚାକିରିରୁ ସସ୍‌ପେଣ୍ଡ କରାଯାଇଛି ।

କାର୍ଯ୍ୟରେ ବିଶୃଙ୍ଖଳା ଅଭିଯୋଗରେ କଙ୍କଡ଼ାହାଡ଼ ଥାନା ଅଧିକାରୀ ପ୍ରମୋଦ କୁମାର ଲେଙ୍କାଙ୍କୁ ପୋଲିସ ଡିଜି ଅଭୟ ସସ୍ପେଣ୍ଡ କରିଛନ୍ତି । ସେହିପରି ଅପରାଧୀ ପ୍ରତି ତଦନ୍ତରେ କୋହଳ ମନୋଭାବ ପୋଷଣ ଅଭିଯୋଗରେ ଅନୁଗୁଳ ଜିଲ୍ଲା ସବ୍‌-ଇନ୍‌ସ୍ପକ୍ଟର ଅରକ୍ଷିତ ସେଠୀଙ୍କୁ ସସ୍‌ପେଣ୍ଡ କରାଯାଇଛି ।

ଲିଙ୍ଗରାଯୋଡ଼ି ଗାଁର ସତ୍ୟଜିତ୍‌ ପ୍ରଧାନଙ୍କୁ ବେଆଇନ ଅସ୍ତ୍ରଶସ୍ତ୍ର ରଖିବା ଅଭିଯୋଗରେ ଗିରଫ କରାଯାଇଥିଲା । କିନ୍ତୁ ତଦନ୍ତରେ ଅବହେଳା ଅଭିଯୋଗରେ ସତ୍ୟଜିତଙ୍କୁ ତୁରନ୍ତ ଜାମିନ ମିଳିଥିଲା । ତଦନ୍ତରେ ଅବହେଳା ଅଭିଯୋଗରେ ଅନୁଗୁଳ ଥାନା ଏସ୍‌ଆଇ ଅରକ୍ଷିତ ସେଠୀଙ୍କୁ ସସ୍‌ପେଣ୍ଡ କରାଯାଇଛି ।