ଅପାର ସ୍ବାମୀଙ୍କ ରଥଯାତ୍ରା ବେଳେ ଅଘଟଣ, ହାଇଭୋଲଟେଜ୍ ବିଦ୍ୟୁତ୍ ତାର ସଂସ୍ପର୍ଶରେ ଆସି ୧୧ ଜଣଙ୍କ ମୃତ୍ୟୁ

ଚେନ୍ନାଇ: ତାମିଲନାଡ଼ୁରେ ଅପାର ସ୍ବାମୀ ମୁଥୁଙ୍କ ରଥଯାତ୍ରାରେ ବଡ଼ ଧରଣର ଅଘଟଣ । ହାଇଭୋଲଟେଜ୍ ବିଦ୍ୟୁତ ତାର ସଂସ୍ପର୍ଶରେ ଆସି ୧୧ ଜଣଙ୍କ ମୃତ୍ୟୁ ହୋଇଛି । ଏଥିସହ ୧୫ ଜଣ ଗୁରୁତର ଭାବେ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ତାମିଲନାଡ଼ୁ ତାଞ୍ଜାଭୁର ଜିଲ୍ଲାର କାଲିମେଦୁ ଅଞ୍ଚଳରେ ଏଭଳି ଏକ ଦୁଃଖଦ ଘଟଣା ଘଟିଛି । ଆଜି ଭୋରରୁ ଅପାର ସ୍ବାମୀ ମୁଥୁଙ୍କୁ ବିରାଟ ପଟୁଆରରେ ଶୋଭାଯାତ୍ରା କରି ନେଉଥିଲେ ଭକ୍ତ ।

Tamil Nadu | At least 10 people died after a temple car (of chariot festival) came in contact with a live wire in the Thanjavur district. More details are awaited. pic.twitter.com/clhjADE6J3

— ANI (@ANI) April 27, 2022

ରଥର ଉଚ୍ଚତା ଅଧିକ ଥିବାରୁ ଏକ ହାଇଭୋଲଟେଜ୍ ବିଦ୍ୟୁତ୍ ତାର ସଂସ୍ପର୍ଶରେ ଆସି ରଥ ଜଳିବାକୁ ଲାଗିଥିଲା । ଚାହୁଁ ଚାହୁଁ ଲୋକଙ୍କ ଦେହରେ ମଧ୍ୟ ନିଆଁ ଲାଗିଯାଇଥିଲା । ଯାହା ଫଳରେ ୧୧ ଜଣଙ୍କର ମୃତ ହୋଇଛି । ମୃତ୍ୟୁ ବରଣ କରିଥିବା ୧୧ ଜଣଙ୍କ ମଧ୍ୟରେ ୨ ଜଣ ଶିଶୁ ରହିଛନ୍ତି । ସେହିପରି ଗୁରୁତର ଭାବେ ଆହତ ହୋଇଥିବା ଲୋକଙ୍କୁ ତାଞ୍ଜାଭୁର ମେଡିକାଲରେ ଭର୍ତ୍ତି କରାଯାଇଛି ।