ଫିରିଙ୍ଗିଆ ଥାନା ଜାଳିବା ଘଟଣାରେ ଅଭିଯୁକ୍ତଙ୍କ ଜାମିନ୍ ଖାରଜ, ୧୯ ଜଣ କୋର୍ଟ ଚାଲାଣ
ଫୁଲବାଣୀ: ଫିରିଙ୍ଗିଆ ଥାନା ଜାଳିବା ଘଟଣାରେ ଆକ୍ସନ ମୋଡ଼ରେ ପୋଲିସ୍ । ଥାନା ପୋଡି ଘଟଣାରେ ସଂପୃକ୍ତ ଥିବା ଦୋଷୀକୁ ଗିରଫ କରୁଛି ପୋଲିସ । ଫିରିଙ୍ଗିଆ ଥାନା ପୋଡ଼ି ଏବଂ ପୋଲିସକୁ ଆକ୍ରମଣ କରିବାକୁ ନେଇ ଫିରିଙ୍ଗିଆ ଥାନାରେ ପୂର୍ବତନ ଥାନା ଅଧିକାରୀ ଏକ ମାମଲା ରୁଜୁ କରିଥିଲେ । ଏହି ମାମଲା ଆଧାରରେ ପୋଲିସ ୧୯ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଅଭିଯୁକ୍ତଙ୍କ ଜାମିନ୍ ଖାରଜ ପରେ ସମସ୍ତଙ୍କୁ ଫୁଲବାଣୀ କାରାଗାରକୁ ପଠାଇ ଦିଆଯାଇଛି । ଶନିବାର ଫିରିଙ୍ଗିଆରେ ପୋଲିସ ଗାଡ଼ିରେ ନିଆଁ ଲଗାଇବା ସହ ଥାନା ଭିତରେ ପଶି ନିଆଁ ଲଗାଇ ଦେଇଥିଲେ ଗଞ୍ଜେଇ ମାଫିଆ । ଏସଡିପିଓଙ୍କୁ ଗୋଡ଼ାଇ ଗୋଡ଼ାଇ ଲହୁଲୁହାଣ ଆକ୍ରମଣ କରିଥିଲେ ଗଞ୍ଜେଇ ମାଫିଆ । ପଥରମାଡ଼ ଓ ଥାନାରେ ଭଙ୍ଗାରୁଜା କରିବା ସହ ସିଜ୍ ହୋଇଥିବା ଗାଡ଼ି ଓ ବନ୍ଧୁକ ଗଞ୍ଜେଇ ମାଫିଆ ଲୁଟି ନେଇଥିଲେ ।
ସ୍ଥିତିକୁ ନଜରରେ ରଖି ବ୍ୟାପକ ଫୋର୍ସ ମୁତୟନ କରାଯିବା ସହ ଦୋକାନ ବଜାର ବନ୍ଦ ରହିଥିଲା ।
