ଓଡିଶାରେ ଥିବା ୧୨ ପାକିସ୍ତାନୀ ତୁରନ୍ତ ଭାରତ ଛାଡ : ରାଜ୍ୟ ସରକାର

ଭୁବନେଶ୍ବର: ଓଡ଼ିଶାରେ ଅଛନ୍ତି ୧୨ ପାକିସ୍ତାନୀ । ଦୀର୍ଘକାଳୀନ ଭିସାରେ ଓଡ଼ିଶାରେ ୧୨ ପାକିସ୍ଥାନୀ ଅଛନ୍ତି ବୋଲି ଗୃହ ବିଭାଗ ସୂଚନା ଦେଇଛି । ସେମାନଙ୍କୁ ଭାରତ ଛାଡ ନୋଟିସ ଦେବା ପ୍ରକ୍ରିୟା ଆରମ୍ଭ ହୋଇଛି । ବଲାଙ୍ଗୀର. ସମ୍ବଲପୁର. ରାଉରକେଲା ଓ ଝାରସୁଗୁଡ଼ାରେ ପାକିସ୍ତାନୀ ଥିବା କୁହାଯାଉଛି। କେନ୍ଦ୍ର ଗୃହ ମନ୍ତ୍ରଣାଳୟ ନିର୍ଦ୍ଦେଶ କ୍ରମେ ସେମାନଙ୍କୁ ଭାରତ ଛାଡିବାକୁ ପ୍ରକ୍ରିୟା ଆରମ୍ଭ କରିଛନ୍ତି ରାଜ୍ୟ ସରକାର । ପାକିସ୍ତାନୀମାନଙ୍କୁ ଦିଆଯାଇଥିବା ଭିସା ରଦ୍ଦ କରିଛି ଭାରତ । ସାଧାରଣ ଭିସା ଆସନ୍ତା ୨୭ ଯାଏ ବୈଧ ରହିବ । କେବଳ ମେଡିକାଲ ଭିସା ଆସନ୍ତା ୨୯ ଯାଏ ବଳବତ୍ତର ରହିବ । ବୈଦେଶିକ ବ୍ୟାପାର ମନ୍ତ୍ରାଳୟ ପକ୍ଷରୁ ଏ ନେଇ ନିର୍ଦ୍ଦେଶନାମା ଜାରି ରହିଛି।