ଦୀପାବଳିରେ ଅଘଟଣ : ବାଣ ବିସ୍ଫୋରଣରେ ଜଣଙ୍କର ମୃତ୍ଯୁ, ୬ ଜଣ ଆହତ

ଅମରାବତୀ : ଦୀପାବଳିରେ ଅଘଟଣ। ଆନ୍ଧ୍ରପ୍ରଦେଶ ଏଲୁରୁ ଜିଲ୍ଲାରେ ବାଣ ବିସ୍ଫୋରଣ ଘଟି ଜଣଙ୍କର ମୃତ୍ଯୁ ହୋଇଥିବାବେଳେ ୬ ଜଣ ଆହତ ହୋଇଛନ୍ତି। ସ୍ଥାନୀୟ ଅଞ୍ଚଳରେ ଓନିଅନ ବମ୍ କୁହାଯାଉଥିବା ବାଣର ତୀବ୍ରତା ଏତେ ଅଧିକ ଥିଲା ଯେ ଏହା ଫୁଟିବା ପରେ ସେହି ଅଞ୍ଚଳରେ ଆତଙ୍କ ସୃଷ୍ଟି ହୋଇଥିଲା। ଏକ ବାଇକରେ ୨ ଜଣ ବ୍ଯକ୍ତି ବୋମା ଧରି ଯାଉଥିବାବେଳେ ଗାଡିଟି ଏକ ପାଥହୋଲରେ ଆଘାତପ୍ରାପ୍ତ ହୋଇଥିଲା। ଫଳରେ ସେମାନେ ନେଇ ଯାଉଥିବା ବୋମା ବିସ୍ଫୋରଣ ହୋଇଥିଲା। ବିସ୍ଫୋରଣ ଘଟଣାର ଭିଜୁଆଲ ସିସିଟିଭିରେ କଏଦ ହୋଇଥିଲା।