ନେତାଙ୍କୁ ବି ଛାଡିଲେନି ଲୁଟେରା: ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟି ନେଇଗଲେ ୫୦ ଲକ୍ଷ ଟଙ୍କାର ସୁନା ଗହଣା

ଭୁବନେଶ୍ବର: କଂଗ୍ରେସ ନେତାଙ୍କୁ ଛାଡିଲେନି ଲୁଟେରା। ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟପାଟ କରିଛନ୍ତି ଲୁଟେରା। ଲୁଟେରା ଲୁଟି ନେଇଛନ୍ତି ୫୦ ଲକ୍ଷ ଟଙ୍କାର ସୁନା ଗହଣା । ଘରେ ପଶି ଲୁଟିଛନ୍ତି ମୁଖା ପିନ୍ଧା ଲୁଟେରା । ନୟାପଲ୍ଲୀ ସ୍ଥିତ ଘରୁ ବ୍ୟାପକ ଲୁଟ୍ ନେଇ ଥାନାରେ ଏତଲା ହୋଇଛି। ବ୍ୟାପକ ସୁରକ୍ଷା ଓ ସିସିଟିଭି ସତ୍ତ୍ୱେ ଘରୁ ଲୁଟ୍ ହୋଇଛି। ଚୋରିର ଭିଜୁଆଲ ସିସିଟିଭିରେ କଏଦ ହୋଇଛି। ରାଜଧାନୀରେ ଜଣେ ବରିଷ୍ଠ ନେତାଙ୍କ ଘରୁ ଚୋରି ପରେ ପଦାରେ ପଡିଛି କମିଶନରେଟ ପୋଲିସର ପାରିବାପଣିଆ । ସାଧାରଣତନ୍ତ୍ର ଦିବସ ପାଇଁ ପୂରା ସହର ସୁରକ୍ଷା ବ୍ୟବସ୍ଥାରେ ଛାଉଣୀ ଥିବା ବେଳେ ନୟାପଲ୍ଲୀ ଅଞ୍ଚଳରୁ ଲୁଟ୍‌ କରି ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି ଲୁଟେରା ।