spot_img

Latest Posts

ଜାତୀୟ ପ୍ରେସ୍ ଦିବସ: ଗଣମାଧ୍ୟମର ଭୂମିକା ଓ ଗୁରୁତ୍ୱ

ନନ୍ଦିଘୋଷ ବ୍ୟୁରୋ: ଆଜି ଜାତୀୟ ପ୍ରେସ୍ ଦିବସ ।ଏହି ଦିନଟି ଭାରତୀୟ ପ୍ରେସ୍ ପରିଷଦ PCI ର ପ୍ରତିଷ୍ଠା ଦିବସକୁ ମନେ ପକାଏ, ଯାହା ୧୯୬୬ ମସିହାରେ ଏହି ଦିନରେ ଏହାର କାର୍ଯ୍ୟ ଆରମ୍ଭ କରିଥିଲା । ଆଉ ପ୍ରତିଷ୍ଠା ହେବା ଦିନଠାରୁ PCI ପ୍ରେସ ସ୍ୱାଧୀନତାକୁ ବଜାୟ ରଖିବାକୁ, ସାମ୍ବାଦିକତାର ମାନଦଣ୍ଡ ବଜାୟ ରଖିବା ଏବଂ ଗଣମାଧ୍ୟମ ସାମ୍ନା କରୁଥିବା ଚ୍ୟାଲେଞ୍ଜଗୁଡିକୁ ମୁକାବିଲା କରିବାକୁ ଅକ୍ଲାନ୍ତ ପରିଶ୍ରମ କରିଆସିଛି । ଗଣମାଧ୍ୟମ ହେଉଛି ଗଣତନ୍ତ୍ରର ଚତୁର୍ଥ ସ୍ତମ୍ଭ । ଏଥିରୁ ବୁଝିବା ଉଚିତ ଯେ, ଗଣମାଧ୍ୟମ କେତେ ଗୁରୁତ୍ବପୂର୍ଣ୍ଣ । ପ୍ରଗତିଶୀଳ ବିଶ୍ବର ସାମାଜିକ, ସାଂସ୍କୃତିକ, ରାଜନୈତିକ, ଅର୍ଥନୈତିକ ତଥା ବୈଜ୍ଞାନିକ ସ୍ଥିତି ସମ୍ପର୍କରେ ଜ୍ଞାତ ପାଇଁ ଗଣମାଧ୍ୟମ ହିଁ ସର୍ବଶ୍ରେଷ୍ଠ ।

ତେଣୁ ନଭେମ୍ବର ୧୬ ତାରିଖରେ ଭାରତରେ ଜାତୀୟ ପ୍ରେସ ଦିବସ ପାଳନ କରାଯାଉଛି । ସାରା ବିଶ୍ୱରେ ପାଳିତ ହେଉଥିବା ବିଶ୍ୱ ପ୍ରେସ ସ୍ୱାଧୀନତା ଦିବସ ପ୍ରତିବର୍ଷ ମେ ୩ ତାରିଖରେ ପାଳନ କରାଯାଏ । ଚଳିତ ବର୍ଷ ଜାତୀୟ ପ୍ରେସ୍ ଦିବସ ପାଳନର ବିଷୟବସ୍ତୁ ରହିଛି ‘‘ସାମ୍ବାଦିକତା: ଲୋକପ୍ରିୟତାବାଦୀ କିମ୍ବା ଦାୟିତ୍ବବାନ୍’’  ।ଏହି ଦିନର ଉଦ୍ଦେଶ୍ୟ ହେଉଛି ଗଣମାଧ୍ୟମର ସ୍ୱାଧୀନତାର ନୀତି ପାଳନ କରିବା, ଗଣମାଧ୍ୟମର ମୂଲ୍ୟାଙ୍କନ କରିବା ଏବଂ ଆକ୍ରମଣରୁ ରକ୍ଷା କରିବା ଏବଂ କାର୍ଯ୍ୟ କରିବା ସମୟରେ ଜୀବନ ହରାଇଥିବା ସାମ୍ବାଦିକମାନଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିବା ।

ତେବେ ଜାତୀୟ ପ୍ରେସ୍ ଦିବସ କେବଳ ପ୍ରେସ୍ ର ସଫଳତାକୁ ପାଳନ କରରେ ନାହିଁ, ବରଂ ଏକ ଅଧିକ ସୂଚନାପ୍ରଦ ଏବଂ ସ୍ବଚ୍ଛ ସମାଜ ଗଠନରେ ଏହାର ଦାୟିତ୍ବକୁ ମଧ୍ୟ ସୁଦୃଢ କରେ, ଯାହା ନିଶ୍ଚିତ କରେ ଯେ, ସାମ୍ବାଦିକତାର ଭବିଷ୍ୟତ ଦୃଢ, ମୁକ୍ତ ଏବଂ ଦାୟିତ୍ବପୂର୍ଣ୍ଣ ରହିବ । ତେଣୁ ଏହି ଅବସରରେ ଟ୍ବିଟ୍ କରି ସାମ୍ବାଦିକମାନଙ୍କୁ ଶୁଭେଚ୍ଛା ଜଣାଇଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ ଓ ସଂଦଦୀୟ ଦଳ ନେତା ମାନସ ମଙ୍ଗରାଜ ।

Latest Posts

Don't Miss