ଇନକମ୍ ଟ୍ୟାକ୍ସ ଭରିବା ଆହୁରି ସହଜ ହେଲା: ଏଣିକି ଅନଲାଇନରେ ଭରି ପାରିବେ ITR-2 ଫର୍ମ

ଇନକମ୍ ଟ୍ୟାକ୍ସ ଭରୁଥିବା ଲୋକଙ୍କୁ ଆୟକର ବିଭାଗ ଏକ ବଡ଼ ଆଶ୍ବସ୍ତି ଦେଇଛି । ଏଣିକି ଟ୍ୟାକ୍ସ ପ୍ରଦାତ୍ତାମାନେ ITR-2 ଫର୍ମକୁ ଅନଲାଇନ ଇ-ପୋର୍ଟାଲକୁ ଯାଇ ଫାଇଲ୍ କରିପାରିବେ । ଏହି ସୁବିଧାର ଲାଭ ଟ୍ୟାକ୍ସ ପେୟର୍ସ ଚଳିତ ମାସ ୧୮ ତାରିଖରୁ ଉଠାଇ ପାରିବେ । ଆଜିଠାରୁ ଆୟକର ବିଭାଗ IRT-2 ଫର୍ମକୁ ଅନଲାଇନ୍ ଫାଇଲ କରିବାର ସୁବିଧା ଆରମ୍ଭ କରିଛି । ଏଣିକି ଚାକିରିଆ ଟ୍ୟାକ୍ସ ପ୍ରଦାତ୍ତା, ଯାହା ପାଖରେ କ୍ୟାପିଟାଲ ଗେନ ଥିବ, କ୍ରିପ୍ଟୋ ଆୟ ବା ଅନ୍ୟ କୌଣସି ବିଶେଷ ଇନକମ ଉତ୍ସ ଥିବ, ସେମାନେ ଆୟକର ବିଭାଗର ଇ-ଫାଇଲିଂ ପୋର୍ଟାଲ (https://incometax.gov.in/iec/foportal/) ମାଧ୍ୟମରେ ନିଜର ଆୟକର ରିଟର୍ଣ୍ଣ ଅନଲାଇନରେ ଦାଖଲ କରିପାରିବେ ।

ଆୟକର ବିଭାଗ ସୋସିଆଲ ମିଡ଼ିଆରେ ପୋଷ୍ଟ କରିଛି ଯେ, ଟ୍ୟାକ୍ସପେୟର୍ସ ଧ୍ୟାନ ଦିଅନ୍ତୁ! ITR-2 ଫର୍ମ ଏବେ ପ୍ରି-ଫିଲ୍ଡ ଡେଟା ସହିତ ଅନଲାଇନ ଫାଇଲିଂ ପାଇଁ ଉପଲବ୍ଧ । ବିତ୍ତୀୟ ବର୍ଷ ୨୦୨୪-୨୫ ଓ ଆସେସମେଣ୍ଟ ଇୟର ୨୦୨୫-୨୬ ପାଇଁ ITR ଦାଖଲ କରିବାର ଅନ୍ତିମ ତାରିଖ ୨୦୨୫ ଡିସେମ୍ବର ୧୫ ରହିଛି । ପୂର୍ବରୁ କେବଳ ITR-1 ଓ ITR-2 ଫର୍ମ ଅନଲାଇନ ଏବଂ ଏକ୍ସେଲ ୟୁଟିଲିଟିରେ ଉପଲବ୍ଧ ଥିଲା, ଯାହାକି ସୀମିତ ଆୟ ବର୍ଗଧାରୀ କରଧାତାଙ୍କ ପାଇଁ ଥିଲା । ITR-3 ପାଇଁ ଏବେ କେବଳ ଏକ୍ସେଲ ୟୁଟିଲିଟି ଉପଲବ୍ଧ ରହିଛି, ଅନଲାଇନ୍ ସୁବିଧା ଶୀଘ୍ର ଆରମ୍ଭ ହେବ ।