ସୀମା ଲଂଘୁଛି ଆନ୍ଧ୍ର, ଗଜପତିରେ ନିର୍ମାଣ କରିଥିବା ଅଙ୍ଗନବାଡ଼ିକୁ ସିଲ କଲା ପ୍ରଶାସନ

1 min read

ଗଜପତି: ବଦଳୁନି ଆନ୍ଧ୍ର ଦାଦାଗିରି । ଦିନିକୁ ଦିନ ଓଡ଼ିଶା ସୀମାକୁ କବଜା କରି ଦେଖାଉଛି ନାଲି ଆଖି । ଗଜପତି ଜିଲ୍ଲା ରାୟଗଡ ବ୍ଲକ ମାଣିକପାଟଣାଠାରେ ଆନ୍ଧ୍ର ନିର୍ମାଣ କରିଥିବା ଏକ ଅଙ୍ଗନବାଡ଼ି କେନ୍ଦ୍ରକୁ ସିଲ କରିଥିଲା ଗଜପତି ଜିଲ୍ଲା ପ୍ରଶାସନ । ହେଲେ ପୁଣି ଥରେ ଆନ୍ଧ୍ରର କିଛି ଅଧିକାରୀ ପହଞ୍ଚି ସିଲ୍ ଭାଙ୍ଗି ସେଠାରେ ପିଲାଙ୍କ ପାଠ ପଢା ଆରମ୍ଭ କରିଛନ୍ତି । ଏହାସହ ପିଲାଙ୍କୁ ଅଣ୍ଡା ମଧ୍ୟ ବଣ୍ଟନ କରିଛି ।

ଘଟଣା ସ୍ଥଳରେ ଆନ୍ଧ୍ର ମନ୍ତ୍ରୀ ସହ ପ୍ରଶାସନିକ ଅଧିକାରୀ ମାନେ ପହଞ୍ଚି ଜିଲ୍ଲା ଗଜପତି ପ୍ରଶାସନକୁ ନାଲି ଆଖି ଦେଖାଇଛନ୍ତି । ଏହାସହ ଯେଉଁ ଅଧିକାରୀ ଅଙ୍ଗନବାଡ଼ି କେନ୍ଦ୍ର ତାଲା ପକାଇଥିଲେ ତାଙ୍କ ନାମରେ ମାମଲା ରୁଜୁ କରିବା ନେଇ ଧମକ ଦେଇଛନ୍ତି ଆନ୍ଧ୍ର ମନ୍ତ୍ରୀ । ସୂଚନା ଅନୁସାରେ ଆନ୍ଧ୍ର ପ୍ରଥମେ ମାଣିକପାଟଣାଠାରେ ଏକ ଅସ୍ଥାୟୀ ଅଙ୍ଗନବାଡ଼ି କେନ୍ଦ୍ର ଖୋଲିଥିଲା ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner