ଚୀନର ଏକ ଲୁଗା ତିଆରି କମ୍ପାନୀରେ ଭୟଙ୍କର ଅଗ୍ନିକାଣ୍ଡ, ୩୮ ଦଗ୍ଧ

ବେଜିଂ: ଚୀନର ହେନାନରେ ଏକ ଲୁଗା ତିଆରି କମ୍ପାନୀ ଭୟାନକ ଅଗ୍ନିକାଣ୍ଡ । ଏଥିରେ ଜୀବନ୍ତ ଦଗ୍ଧ ହୋଇଛନ୍ତି ୩୮ ଜଣ କର୍ମଚାରୀ । ଏଥିସହ ଦୁଇ ଜଣ ଗୁରୁତର ହୋଇଛନ୍ତି । ଅଗ୍ନିକାଣ୍ଡ ଏତେ ଭୟାନକ ଥିଲା ଯେ ନିଆଁ ଲିଭାଇବାକୁ ୪ ଘଣ୍ଟା ସମୟ ଲାଗିଥିଲା । ଓ୍ବେଲଡିଂ ମେସିନରୁ ନିଆଁ ଲାଗିଥିବା ପ୍ରାଥମିକ ତଦନ୍ତରୁ ଜଣାପଡିଛି । ନିଆଁ ଲିଭାଇବା ପାଇଁ ୬୩ଟି ଦମକଳ ଗାଡି ଓ ୨୪୦ ଜଣ ଅଗ୍ନିଶମ ଅଧିକାରୀ ନିୟୋଜିତ ହୋଇଥିଲେ । ମାମଲାରେ ତଦନ୍ତ ପାଇଁ କିଛି ସଂଦିଗ୍ଧଙ୍କୁ ପୋଲିସ ଅଟକ ରଖିଛି ।