କଟକ: ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଲା ଜୀବନ । ଦେବଦୂତ ସାଜିଲେ ଆରପିଏଫ୍ ଯବାନ । ଯମ ଦୂଆରୁ ବ୍ୟକ୍ତିଙ୍କୁ ଟାଣିଆଣିଲେ ଯବାନ ଜଣକ । ଏ ଦୃଶ୍ୟ କଟକ ଷ୍ଟେସନର । ଆଜି ସଂଧ୍ୟା ୫ଟାରେ ଚଳନ୍ତା ଟ୍ରେନରେ ଚଢିବାକୁ ଉଦ୍ୟମ କରୁଥିଲେ ଜଣେ ଯବୁକ । ଦେଖନ୍ତୁ ଏହି ଭିଜୁଆଲ କୁ । କିଭଳି ସେ ଦୌଡି ଦୌଡି ଟ୍ରେନରେ ଚଢିବାକୁ ଉଦ୍ୟମ କରୁଛନ୍ତି ।
ହେଲେ କିଛି ସମୟ ମଧ୍ୟରେ ବିପଦକୁ ଆମନ୍ତ୍ରଣ କରିଛନ୍ତି । ପ୍ଲାଟଫର୍ମ ଓ ଟ୍ରେନ ମଝିରେ ଖସି ପଡିଛନ୍ତି । କିନ୍ତୁ ରଖେ ହରିତ ମାରେ କିଏ । ଠିକ ଏହି ସମୟରେ ଡ୍ୟୁଟି ରେ ଥିବା ଆରପିଏଫ ଯବାନ ପି.କେ.ଦାସ ଓ ଏସ.ଆର.ସାମନ୍ତ ଦୌଡି ଯାଇ ତାଙ୍କୁ ଟ୍ରେନ ତଳୁ ଟାଣି ଆଣିଛନ୍ତି । ଫଳରେ ନିଶ୍ଚିତ ମୃତ୍ୟୁ ମୁଖରୁ ବଞ୍ଚି ଯାଇଥିଲେ ଯାତ୍ରୀ ଜଣକ।
