ନନ୍ଦିଘୋଷ ବ୍ୟୁରୋ: ମୁଖ୍ୟମନ୍ତ୍ରୀଙ୍କୁ ନବୀନଙ୍କ ଚିଠି । ରିଲିଫ ଓ ଥଇଥାନ ତ୍ବରାନ୍ବିତ କରିବାକୁ ଦାବି । ବିପର୍ଯ୍ୟୟ ପରିଚାଳନାରେ ସରକାର ବିଫଳ । ଡ୍ୟାମ ଜଳ ପରିଚାଳନାକୁ ନେଇ ଉଠାଇଲେ ପ୍ରଶ୍ନ । ଗଂଜାମ ବନ୍ୟା ମନୁଷ୍ୟକୃତ। ସରକାରଙ୍କ ଅବେହଳା ଓ ଦାୟିତ୍ବହୀନତାକୁ ନେଇ ପ୍ରଶ୍ନ ଉଠାଇଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଚିଠିଲେଖି ନବୀନ ପ୍ରଶ୍ନ କରିଛନ୍ତି ଯେ ବାତ୍ୟା ନେଇ ଆଇଏମଡି ୨୩ ତାରିଖରେ ଆଗୁଆ ସୂଚନା ଦେଇଥିଲା । ଏହାପରେ କାହିଁକି ସରକାର ସଚେତନ ହେଲେ ନାହିଁ ଓ ମୁକାବିଲାର ପ୍ରାକ ପ୍ରସ୍ତୁତି କଲେ ନାହିଁ । ଡ୍ଯାମ ଜଳକୁ ଆଗୁଆ ଛଡାନଯିବା ଓ ଜଳ ଛାଡ଼ିବାବେଳେ ଲୋକଙ୍କୁ ସଚେତନ କରାଯାଇନଥିବାରୁ ଗଂଜାମରେ ଭୟାବହ ବନ୍ୟା ସ୍ଥିତି ଉପୁଜିଲା। ବିପର୍ଯ୍ୟୟ ମୁକାବିଲାରେ ସରକାର ପୂରା ବିଫଳ ହୋଇଛନ୍ତି । ତୁରନ୍ତ ରିଲିଫ ଓ ଥଇଥାନ ଦାବି କରିଛନ୍ତି ନବୀନ । କାହିଁକି ପ୍ରାକୃତିକ ବିପର୍ଯ୍ୟୟବେଳେ ସରପଞ୍ଚ ଓ ମିଶନ ଶକ୍ତି ମହିଳାଙ୍କୁ ସରକାର ଅଣଦେଖା କରିଛନ୍ତି ? ଗଂଜାମ ବନ୍ୟା ପାଇଁ ସରକାରୀଙ୍କୁ ଦାୟୀ କରି ନବୀନ ବର୍ଷିଛନ୍ତି । ବିରୋଧୀ ଦଳ ନେତାଙ୍କ ଦାବି ଅନୁସାରେ ସରକାର ତୁରନ୍ତ ରିଲିଫ ଓ ଥଇଥାନ ଦେବାକୁ ଦାବି କରିଛି ବିଜେଡି ।
ନଭେମ୍ବର ୭ରେ ବନ୍ୟା ପ୍ରଭାବିତ ଅଞ୍ଚଳକୁ ଯାଇଥିଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ଗସ୍ତ ସମୟରେ ହିଞ୍ଜିଳି, ଶେରଗଡ଼, ଆସିକା ଓ ସୋରଡ଼ା ବୁଲିବା ସହ ଲୋକଙ୍କ ଦୁଃଖ ବୁଝିଥିଲେ । ଚାଷୀ, ମହିଳା, କ୍ଷୁଦ୍ର ବ୍ୟବସାୟୀଙ୍କୁ ଭେଟିଥିଲେ । ଗଂଜାମ ଓ ପୂର୍ବରୁ ଯାଜପୁର, ଭଦ୍ରକ, ବାଲେଶ୍ବର ବନ୍ୟାକୁ ମଧ୍ୟ ସରକାର ଠିକ ସେ ପରିଚାଳନା କରିପାରିନଥିବାରୁ ଲୋକମାନେ କଷ୍ଟ ଭୋଗିବା ସହ ରାଜ୍ୟ ପଛକୁ ଚାଲିଯାଉଛି ବୋଲି ନବୀନ ଚିଠିରେ ଉଲ୍ଲେଖ କରିଛନ୍ତି । ବିଜେପି ସରକାରର ଅପାରଗତାକୁ ଦର୍ଶାଇ ଚିଠିରେ ସରକାରକୁ ଟାର୍ଗେଟ କରିଛନ୍ତି ନବୀନ ।
ପ୍ରାକୃତିକ ବିପର୍ଯ୍ୟୟ ମୁକାବିଲାରେ ବିଜେପି ସରକାର ପ୍ରାକ ପ୍ରସ୍ତୁତିରେ ସଂପୂର୍ଣ୍ଣ ଫେଲ ମାରୁଥିବାରୁ ବାରମ୍ବାର ଏପରି ସ୍ଥିତି ଉପୁଜୁଛି । ୨୪ ବର୍ଷ ଧରି ବିଜେଡି ସରକାର କରିଥିବା ପରିଶ୍ରମକୁ ବିଫଳ କରିଦେଇଛି ୨୪ ମାସର ଡବଲ ଇଞ୍ଜିନ ସରକାର । ନବୀନ ଚିଠି ଲେଖି ସରକାରଙ୍କୁ ସମାଲୋଚନା କରିବା ପରେ ରାଜନୀତିରେ ହଲଚଲ ସୃଷ୍ଟି ହୋଇଛି ।
