ଯାଜପୁର: ନିମ୍ନମାନର କାର୍ଯ୍ୟ ଯୋଗୁ ଧସିଲା ରାସ୍ତା ପାର୍ଶ୍ଵରେ ନିର୍ମିତ ଗାଡୱାଲ। ମାସ ତଳେ ହୋଇଥିଲା କାର୍ଯ୍ୟ, ବିଭାଗୀୟ ଅଧିକାରୀଙ୍କ ଅନୁପସ୍ଥିତିରେ କାର୍ଯ୍ୟ ହେଉଥିବା ଅଭିଯୋଗ କରିଛନ୍ତି ଗ୍ରାମବାସୀ। ଯାଜପୁର ଜିଲ୍ଲା ବିଞ୍ଝାରପୁର ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ହେଉଥିବା ପଇରଖ ଠାରୁ ଉଡ୍ରଙ୍ଗକୁ ସଂଯୋଗ କରୁଥିବା ରାସ୍ତା କାମ ଅତି ନିମ୍ନମାନର ହୋଇଥିବା ବେଳେ, କାର୍ଯ୍ୟ ନସରୁଣୁ ରାସ୍ତା କଡରେ ନିର୍ମିତ ଗାଡୱାଲ ସପୂର୍ଣ୍ଣ ଧସି ଯାଇଛି।
ଗ୍ରାମବାସୀଙ୍କ କହିବା ଅନୁସାରେ, ସରକାର କୋଟି କୋଟି ଟଙ୍କା ଖର୍ଚ୍ଚ କରି ଲୋକଙ୍କ ହିତ ପାଇଁ ଉନ୍ନୟନମୂଳକ କାର୍ଯ୍ୟ କରୁଛନ୍ତି। କିନ୍ତୁ କିଛି ଅସାଧୁ ଠିକାଦାର ଓ ବିଭାଗୀୟ ଅଧିକାରୀ ନିମ୍ନମାନର କାର୍ଯ୍ୟ କରି ଲକ୍ଷ ଲକ୍ଷ ଟଙ୍କା ଆତ୍ମସାତ କରୁଛନ୍ତି। ତେଣୁ ଏହାର ସଠିକ ତଦନ୍ତ କରାଯିବା ସହ ଶୀଘ୍ର କାମ ସାରିବାକୁ ଦାବି କରିଛନ୍ତି ସ୍ଥାନୀୟ ଲୋକେ।
