ଜୋର ଧରୁଛି କାବେରୀ ନଦୀ ବିବାଦ । ତାମିଲନାଡୁର ବଢୁଛି ପ୍ରତିବାଦ । ରାଜ୍ୟକୁ କାବେରୀ ନଦୀ ଜଳ ଅଧିକ ଛାଡିବା ଦାବିରେ ବିଭିନ୍ନ କୃଷକ ସଂଗଠନ ଚଳାଇଛନ୍ତି ବିକ୍ଷୋଭ । କର୍ଣ୍ଣାଟକ ଅଧିକ ଜଳ ଛାଡିବା ଦାବିରେ ବିଭିନ୍ନ ଉପାୟରେ ଆନ୍ଦୋଳନ ଜାରି ରଖିଛନ୍ତି ସଂଗଠନ । ଗତକାଲି କାବେରୀ ନଦୀରେ ଚାଷୀମାନେ ଠିଆ ହୋଇ ଦୀର୍ଘ ସମୟ ଧରି ପ୍ରତିବାଦ କରିଥିଲେ ।
ସେପଟେ ତାମିଲନାଡୁକୁ ଅଧିକ ପାଣି ନଛାଡିବା ଦାବିରେ କର୍ଣ୍ଣାଟକ ମାଣ୍ଡ୍ୟାରେ ବି ବିଭିନ୍ନ ସଂଗଠନ କରିଛନ୍ତି ଆନ୍ଦୋଳନ । ସେପ୍ଟେମ୍ବର ୧୩ ତାରିଖରୁ ୧୫ ଦିନ ଯାଏ ତାମିଲନାଡୁକୁ ୫ ହଜାର କ୍ୟୁସେକ କାବେରୀ ଜଳ ଛାଡିବା ଲାଗି କାବେରୀ ନଦୀ ପରିଚାଳନା କର୍ତ୍ତୃପକ୍ଷ ବା ସିଡବ୍ଲୁଏମଏ ନିର୍ଦ୍ଦେଶ ଦେବା ପରେ ତାହାକୁ ବିରୋଧ କରିଛନ୍ତି କର୍ଣ୍ଣାଟକର ବିଭିନ୍ନ ସଂଗଠନ ।
ତେଣେ ଜଳବିବାଦରେ ହସ୍ତକ୍ଷେପ ନ କରିବା ଲାଗି ଗତ ସେପ୍ଟେମ୍ବର ୨୧ ତାରିଖରେ ଜଷ୍ଟିସ ବି.ଆର. ଗଭାଇ, ପିଏସ ନରସିହ୍ମା ଓ ପ୍ରଶାନ୍ତ କୁମାର ମିଶ୍ରଙ୍କୁ ନେଇ ଗଠିତ ସୁପ୍ରିମକୋର୍ଟ ଖଣ୍ଡପୀଠ ଅଗ୍ରାହ୍ୟ କରିଥିଲେ । ଏହାସହ ଦୈନିକ ୫ ହଜାର କ୍ୟୁସେକ ବଦଳରେ ୭ ହଜାର ୨୦୦ କ୍ୟୁସେକ ଜଳ କର୍ଣ୍ଣାଟକ ଛାଡିବା ଲାଗି ତାମିଲନାଡୁ କରିଥିବା ଆବେଦନକୁ ଖାରଜ କରିଥିଲେ ସୁପ୍ରିମକୋର୍ଟ ।
