ନନ୍ଦିଘୋଷ ବ୍ୟୁରୋ: ଏନଭିଡିଆ ସିଇଓ ଜେନସେନ ହୁଆଙ୍ଗଙ୍କ ସହ ମହିଳାଙ୍କ ସ୍ପାଏଙ୍କ ସମ୍ପର୍କ ପ୍ରସଙ୍ଗ ସାରା ବିଶ୍ବରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହି ଘଟଣାର ଏଫବିଆଇ ଯାଞ୍ଚ ଚାଲିଛି ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ଗତକାଲି ହୁଆଙ୍ଗଙ୍କ ସହ ସେ ଆଲୋଚନା କରିଛନ୍ତି ବୋଲି କହିଛନ୍ତି ଟ୍ରମ୍ପ। ସେପଟେ ଆସନ୍ତା ସପ୍ତାହରେ ଏସୀୟ-ପ୍ରଶାନ୍ତ ଅର୍ଥନୈତିକ ସହଯୋଗ ସମ୍ମିଳନୀରେ ଚୀନର ସେନଝେନରେ ଟ୍ରମ୍ପ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ଥିବାବେଳେ ହୁଆଙ୍ଗ ପ୍ରସଙ୍ଗ ଉଠିବ କି ନାହିଁ ତାହା ସ୍ପଷ୍ଟ ହୋଇନାହିଁ।
ସୂଚନା ଅନୁଯାୟୀ, ଆମେରିକୀୟ ଆର୍ଟିଫିସିଆଲ ଇଣ୍ଟେଲିଜେନ୍ସ ଏନଭିଡିଆ ସିଇଓ ଜେନସେନ ହୁଆଙ୍ଗଙ୍କ ସହ ଜଣେ ମହିଳାଙ୍କ ସମ୍ପର୍କକୁ ନେଇ ଆମେରିକା ଓ ଚୀନରେ ଝଡ଼ ସୃଷ୍ଟି ହୋଇଛି । ଏହାରି ଭିତରେ ଚୀନର ଗୁଇନ୍ଦା ସଂସ୍ଥା ଲାଗି ମହିଳା ଜଣକ କାମ କରୁଥିବା ନେଇ ଅଭିଯୋଗକୁ ଖଣ୍ଡନ କରିଛି ଚୀନ। ବେଜିଂ ବିରୋଧରେ ଏହା ଏକ ଷଡ଼ଯନ୍ତ୍ର ଏବଂ ସମ୍ପୂର୍ଣ୍ଣ ଭିତ୍ତିହୀନ ବୋଲି ଚୀନ ବୈଦେଶିକ ବ୍ୟାପାର ମନ୍ତ୍ରାଳୟ ମୁଖପାତ୍ର ଗୁଓ ଜିଆକେନ କହିଛନ୍ତି। ଆମେରିକାର କଟକଣା ସତ୍ତ୍ବେ ଆର୍ଟିଫିସିଆଲ ଇଣ୍ଟେଲିଜେନ୍ସ ଚିପ ବିକ୍ରି ପ୍ରସଙ୍ଗରେ ହୁଆଙ୍ଗଙ୍କ ସହ ଜଣେ ମହିଳାଙ୍କ ସମ୍ପର୍କକୁ ନେଇ ବିବାଦର ସୂତ୍ରପାତ ହୋଇଥିଲା। ଆପଲ ଓ ମାଇକ୍ରୋସଫ୍ଟ ସହ ସମାନ ମର୍ଯ୍ଯାଦା ଲାଭ କରିଥିବା ଏନଭିଡିଆର ସେୟାର ମୂଲ୍ୟ ହ୍ରାସ ପରେ ଏହି ଅଭିଯୋଗର ତଦନ୍ତ ହେବ ବୋଲି କୁହାଯାଇଛି। ହୁଆଙ୍ଗଙ୍କ ସହ ଆଲିସ ହୁଆଙ୍ଗ ନାମ୍ନୀ ମହିଳାଙ୍କ ସମ୍ପର୍କ ଥିବା ନେଇ ଚର୍ଚ୍ଚା ଚାଲିଛି।
