ଜମାଟୋରୁ ଛଟେଇ ହେବେ ୪ ପ୍ରତିଶତ କର୍ମଚାରୀ
1 min read
ନୂଆଦିଲ୍ଲୀ: ଟୁଇଟର, ମେଟା, ମାଇକ୍ରୋସଫ୍ଟ ଓ ଆମାଜନ ପରେ ଏବେ ଜୋମାଟୋ କରିବ ଛଟେଇ । ଆର୍ଥିକ ମାନ୍ଦାବସ୍ଥାକୁ ଦୃଷ୍ଟିରେ ରଖି ଆଗୁଆ କର୍ମଚାରୀ ଛଟେଇ କରିବା ଆରମ୍ଭ କରିଛି ଏହି ଷ୍ଟାଟଅପ୍ । ଜୋମାଟୋରୁ ଛଟେଇ ହେବେ ୪ ପ୍ରତିଶତ କର୍ମଚାରୀ ।
ସୂଚନାଯୋଗ୍ୟ, ଜୋମାଟୋ କ୍ଷତିରେ ଚାଲିଛି । ତେଣୁ ଖର୍ଚ୍ଚ କମାଇବାକୁ କମ୍ପାନୀ ପକ୍ଷରୁ କର୍ମଚାରୀଙ୍କୁ ବାହାର କରାଯାଉଛି । ଜୋମାଟୋ ଅଧିକ ଲାଭ ଓ ବିନିଯୋଗ କମ୍ ଲକ୍ଷରେ ଛଟେଇ କରୁଥିବା ସୂଚନା ମିଳିଛି । ଚଳିତ ସପ୍ତାହରେ ଏଯାଏଁ ଶହେ କର୍ମଚାରୀଙ୍କୁ ଛଟେଇ କରିସାରିଛି ଜୋମାଟୋ । ଆଗାମୀ ଦିନରେ କମ୍ପାନୀ ତାର ମୋଟ କର୍ମଚାରୀର ୪ ପ୍ରତିଶତ ଛଟେଇ କରିବାକୁ ଯୋଜନା ରଖିଛି ।
ଜୋମାଟୋରେ ମୋଟ୍ ୩ ହଜାର ୮ ଶହ କର୍ମଚାରୀ ରହିଥିବା ବେଲେ ୪ ପ୍ରତିଶତ କର୍ମଚାରୀ ହେଲେ ୪ ଶହରୁ ଅଧିକ କର୍ମଚାରୀଙ୍କୁ ବିଦା କରିବ କମ୍ପାନୀ । କରୋନା ପ୍ରଥମ ଲହରରେ ୧୩ ପ୍ରତିଶତ କର୍ମଚାରୀ କାଢ଼ିଥିଲା କମ୍ପାନୀ । ସେପଟେ ଜୋମାଟୋର କୋ-ଫାଉଣ୍ଡର ମୋହିତ ଗୁପ୍ତାଙ୍କ ସହ କମ୍ପାନୀର ୩ ଜଣ ବରିଷ୍ଠ ଅଧିକାରୀ ଇସ୍ତଫା ଦେଇସାରିଛନ୍ତି । ଚଳିତବର୍ଷର ଦ୍ବିତୀୟ ତ୍ରୈମାସରେ କମ୍ପାନୀର କ୍ଷତି ପ୍ରାୟ ୩ କୋଟିରୁ ଅଧିକ ହୋଇଥିଲା ।
