ଜୋମାଟୋରୁ ଇସ୍ତଫା ଦେଲେ ଚତୁର୍ଥ କୋ-ଫାଉଣ୍ଡର ଗୁଞ୍ଜନ ପଟିଦାର

ନୂଆଦିଲ୍ଲୀ: ଖାଦ୍ୟ ଓ ପାନୀୟ ସାମଗ୍ରୀର ଅନଲାଇନ୍ ଡେଲିଭରି ସୁବିଧା ଦେଉଥିବା ପ୍ଲାଟଫର୍ମ ଜୋମାଟୋର କୋ-ଫାଉଣ୍ଡର ଏବଂ ଚିଫ୍ ଟେକ୍ନୋଲୋଜି ଅଫିସର ଗୁଞ୍ଜନ ପଟିଦାର ଇସ୍ତଫା ଦେଇ ଦେଇଛନ୍ତି । ଗତ କିଛି ସମୟ ହେବ କମ୍ପାନୀରୁ ଅନେକ ବଡ଼ ଅଧିକାରୀ ଇସ୍ତଫା ଦେଇ ବାହାରିଯାଇଛନ୍ତି ଏବଂ ଗୁଞ୍ଜନ ପଟିଦାର ଏହି କ୍ରମରେ ନୂଆ ନାଁ ଅଟେ । ପଟିଦାରଙ୍କ ଇସ୍ତଫାର କିଛି ସପ୍ତାହ ପୂର୍ବରୁ କମ୍ପାନୀର ଆଉ ଜଣେ କୋ-ଫାଉଣ୍ଡର ମୋହିତ ଗୁପ୍ତା ମଧ୍ୟ ଇସ୍ତଫା ଦେଇଥିଲେ । କମ୍ପାନୀର ନ୍ୟୁ ଇନିସିଏଟିଭ ହେଡ ଏବଂ ପୂର୍ବତନ ଫୁଡ ଡେଲିଭରି ଚିଫ ରାହୁଲ ଗାଞ୍ଜୁ ଏବଂ ଏହାର ଇଣ୍ଟରସିଟି ଲିଜେଡ ସର୍ଭିସେଜର ହେଡ ସିଦ୍ଧାର୍ଥ ଝବାର ମଧ୍ୟ ନିକଟରେ କମ୍ପାନୀରୁ ଇସ୍ତଫା ଦେଇଥିଲେ ।

ପଟିଦାର ଜୋମାଟୋର କିଛି କର୍ମଚାରୀମାନଙ୍କ ମଧ୍ୟରେ ସାମିଲ ଥିଲେ ଏବଂ ସେ କମ୍ପାନୀର କୋର ଟେକ ସିଷ୍ଟମକୁ ବିକଶିତ କରିବାରେ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଥିଲେ । କମ୍ପାନୀ ସେୟାର ମାର୍କେଟକୁ ପଠାଇଥିବା ସୂଚନାରେ କହିଛି ଯେ ଗତ ୧୦ରୁ ଅଧିକ ବର୍ଷରେ ସେ ଜମାଟୋର ଟେକ ଲିଡରସିପ୍ ଟିମକୁ ମଧ୍ୟ ଛିଡ଼ା କରାଇଥିଲେ । ୨୦୨୨ ବର୍ଷରେ ଟେକ ସେୟାରରେ ହ୍ରାସ ମଧ୍ୟରେ ଜୋମାଟୋର ସେୟାର ନିଜର ୧୬୨ ଟଙ୍କାର ପିକରୁ ପ୍ରାୟ ୫୦ ପ୍ରତିଶତରୁ ଅଧିକ ହ୍ରାସ ପାଇ ସାରିଛି । ଜୋମାଟୋର ସେୟାର ଆଜି ବିଏସଇରେ ୧.୬୯ ପ୍ରତିଶତ ହ୍ରାସ ପାଇ ୬୦.୩୦ ଟଙ୍କାରେ ବନ୍ଦ ହୋଇଛି ।