ୟୁଟ୍ୟୁବର ସୋନାଲି ମୃତ୍ୟୁ ଘଟଣା: ଥାନାରେ ହତ୍ୟା ଅଭିଯୋଗ କଲେ ପରିବାର ଲୋକେ

ଭୁବନେଶ୍ଵର: ପଟିଆ ଅଞ୍ଚଳରେ ଥିବା ଲେଡିଜ ହଷ୍ଟେଲରୁ ୟୁଟ୍ଯୁବର ସୋନାଲି ସଂଘମିତ୍ରା ପରିଡାଙ୍କ ମୃତଦେହ ଉଦ୍ଧାର ଘଟଣା । ହତ୍ଯା ଅଭିଯୋଗ ଆଣିଲେ ପରିବାର ଲୋକେ । ସୋନାଲିଙ୍କ ବାପା ଦିଲୀପ କୁମାର ପରିଡା ଆଜି ପାଟକୁରା ଥାନାରେ ହତ୍ୟା ଅଭିଯୋଗ କରିଛନ୍ତି । ସୋନାଲିଙ୍କୁ ଷଡଯନ୍ତ୍ର କରି ମାରି ଦିଆଯାଇଥିବା ନେଇ ଅଭିଯୋଗ କରିଛନ୍ତି ପରିବାର ଲୋକେ ।

ସୋନାଲି ଭୁବନେଶ୍ୱରର ଏକ ବିଲଡର କମ୍ପାନୀରେ ଚାକିରି କରିଥିଲେ । ଆଉ ୟୁଟ୍ୟୁବରେ ବିଭିନ୍ନ ଭିଡିଓ କରି ଛାଡୁଥିଲେ । ଦୁଇ ଦିନ ତଳେ ତାଙ୍କର ପଟିଆ ସ୍ଥିତ ଲେଡ଼ିଜ ହଷ୍ଟେଲର ଗାଧୁଆ ଘରୁ ମୃତଦେହ ଉଦ୍ଧାର ହୋଇଥିଲା । ଆଜି ପରିବାର ଲୋକେ ହତ୍ୟା ଅଭିଯୋଗ ଆଣି ପାଟକୁରା ଥାନାର ଦ୍ୱାରସ୍ଥ ହୋଇଛନ୍ତି ।