ରାଉରକେଲାରେ ପୁଣି ଏକ ହତ୍ୟା, ଯୁବକଙ୍କ ଗଳାକାଟି ଦେଲେ
ରାଉରକେଲା: ଅଶାନ୍ତ ରାଉରକେଲା । ପୁଣଇ ଗଡ଼ିଲା ମୁଣ୍ଡ । ଏସ.ଟି.ଆଇ. ଛକ ନିକଟରେ ଜଣେ ଯୁବକଙ୍କ ବେକକାଟି ହତ୍ୟା କରାଯାଇଥିବା ଅଭିଯୋଗ । ଧାରୁଆ ଅସ୍ତ୍ରରେ କେହି ଦୁର୍ବୃତ୍ତ ବେକକାଟି ହତ୍ୟା କରିବା ପରେ ଫେରାର ହୋଇଯାଇଥିବା ଅଭିଯୋଗ ହୋଇଛି । ମୃତ ଯୁବକଙ୍କ ପରିଚୟ ମିଳି ନଥିବା ବେଳେ ହତ୍ୟାର କାରଣ ଅସ୍ପଷ୍ଟ ରହିଛି । ଅଭିଯୋଗ ପରେ ରଘୁନାଥପାଲ୍ଲି ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ରାଉରକେଲା ସହର ଦିନକୁ ଦିନ ଅଶାନ୍ତ ହେଉଥିବା ବେଳେ ଅସାମାଜିକ ଯୁବକଙ୍କ ଉପଦ୍ରବ ବୃଦ୍ଧି ପାଉବାରେ ଲାଗିଛି । ହତ୍ୟା, ହତ୍ୟା ଉଦ୍ୟମ, ଗୁଳିମାଡ, ଚୋରି, ଡକାୟତି, ଛିନତାଇ, ଲୁଟ, ଠକେଇ ଘଟଣା ବୃଦ୍ଧି ପାଉଥିବାରୁ ସହରବାସୀ ଭୟଭୀତ ଅଛନ୍ତି ।
