ପେଟ୍ରୋଲ ଢାଳି ନିଜ ଶରୀରରେ ନିଆଁ ଲଗାଇଲେ ନିଶାସକ୍ତ ଯୁବକ
କଟକ: ବାରଙ୍ଗ ଥାନା ଅନ୍ତର୍ଗତ ବଙ୍ଗାଳୀ ସାହିରେ ବ୍ରାଉନସୁଗାର ଖାଇବାକୁ ନେଇ ନିଜ ନିଜ ଭିତରେ ପ୍ରେଟୋଲ ଢାଳି ନିଆଁ ଲାଗାଇଲେ ନିଶାସକ୍ତ ଯୁବକ । ସୂଚନା ଅନୁଯାୟୀ ଆଜି ସନ୍ଧ୍ୟା ସମୟରେ ବାରଙ୍ଗ ବଙ୍ଗାଳୀ ସାହିର କ୍ଳବ ଘର ନିକଟରେ ୩ ଜଣ ସାଙ୍ଗ କାହ୍ନୁ ଦାସ, ଅଭିଜିତ ହାଲଦାର , ତାପସ କର ଏକାଠି ମିଶି ବ୍ରାଉନସୁଗାର ଖାଉଥିଲେ । ବ୍ରାଉନସୁଗାର ଖାଇବା ସମୟରେ ନିଜ ନିଜ ଭିତରେ କମ ବେଶିକୁ ନେଇ ବଚସା ହୋଇଥିଲା ।
ଏହି ବଚସା ଉଗ୍ରରୂପ ନେବା ପରେ କାହ୍ନୁ ଦାସ ଏକ ଅଟୋରୁ ପ୍ରେଟୋଲ ବାହାର କରି ଅଭିଜିତ ଓ ତାପସଙ୍କ ଉପରେ ପ୍ରେଟୋଲ ପକାଇ ହଠାତ ନିଆଁ ଲଗାଇ ଦେଇଥିଲା । ସଙ୍ଗେ ସଙ୍ଗେ ସ୍ଥାନୀୟ ଲୋକେ ଏଭଳି ଘଟଣା ଦେଖି ଅଭିଜିତ ଓ ତାପସଙ୍କୁ ନିଆଁ ଲିଭାଇବାକୁ ଉଦ୍ୟମ ଜାରି ରଖିବା ସହିତ ବାରଙ୍ଗ ଥାନାକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଥାନା ଅଧିକାରୀ ପହଁଚି ଗୁରୁତରମାନଙ୍କୁ ଚିକିତ୍ସା ନିମନ୍ତେ କଟକ ବଡ଼ ମେଡ଼ିକାଲ ପଠାଇବା ସହିତ ପ୍ରେଟୋଲ ଢାଳି ନିଆଁ ଲଗାଇଥିବା ଯୁବକଙ୍କୁ ଅଟକ ରଖି ତଦନ୍ତ ଜାରି ରଖିଥିବା ବାରଙ୍ଗ ଥାନା ଅଧିକାରୀ ଆକାଶ ଚନ୍ଦ୍ର ରାଣା ସୂଚନା ଦେଇଛନ୍ତି ।
