୪୦ ହଜାର ଟଙ୍କାରେ ବ୍ୟାଟେରୀ ବାଇକ୍, ୨ ଘଣ୍ଟା ଚାର୍ଜ କଲେ ଯିବ ୧୨୦ କିମି
1 min read
ଗଜପତି: ଅତି କମ୍ ଖର୍ଚ୍ଚରେ ବାଇକ୍ ଚାଲିବ ମାଇଲ ମାଇଲ ବାଟ । ମାତ୍ର ଦୁଇ ଘଣ୍ଟା ଚାର୍ଜ କଲେ ୧୦୦ରୁ ୧୨୦ କିମି ଯାଇପାରିବ ବ୍ୟାଟେରୀ ଚାଳିତ ବାଇକ୍ । ୧୦୦ କିଲୋମିଟର ଯାତ୍ରା ପାଇଁ ଖର୍ଚ୍ଚ ମାତ୍ର ଏକ ଟଙ୍କା କୋଡ଼ିଏ ପଇସା । ଏପରି ଏକ ବ୍ୟାଟେରୀ ଚାଳିତ ବାଇକ ନିର୍ମାଣ କରିଛନ୍ତି ପାରଳାଖେମୁଣ୍ଡି ଖଞ୍ଜା ସାହିର ଯୁବକ ସାଗର ରେଡ୍ଡୀ ।
ମାତ୍ର ଏକ ଟଙ୍କା ୨୦ ପଇସାରେ ଆପଣ ଯାତ୍ରା କରିପାରିବେ ୧୦୦ କିଲୋମିଟର । ଭଙ୍ଗା ବାଇକ୍ ଗୁଡ଼ିକୁ ଅତ୍ୟାଧୁନିକ ଜ୍ଞାନ କୌଶଳରେ ୬ଟି ବ୍ୟାଟେରୀ ଲଗାଯାଇ ନିର୍ମାଣ ହୋଇଛି ଇ-ବାଇକ୍ । ମାତ୍ର ଦୁଇ ଘଣ୍ଟା ଚାର୍ଜ କରିବା ପରେ ୧୦୦ ରୁ ୧୨୦ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରୁଛି ଏହି ବାଇକ୍ ।
ପେଶାରେ ଜଣେ ମେକାନିକାଲ ଇଞ୍ଜିନିୟର ସହ ସାଉଣ୍ଡ ସିଷ୍ଟମ ଓ ବିଭିନ୍ନ ଗାଡ଼ି ମରାମତି କରିଥାନ୍ତି ସାଗର । କରୋନା ସଙ୍କଟ ସମୟରେ କାମଧନ୍ଦା ବନ୍ଦ ଥିବା ବେଳେ ନିଜ ଜ୍ଞାନ କୌଶଳରେ ନିର୍ମାଣ କରିଛନ୍ତି ବ୍ୟାଟେରୀ ବାଇକ୍ । ଏହା ନିର୍ମାଣ ପାଇଁ ୩୦ରୁ ୪୦ ହଜାର ଟଙ୍କା ଖର୍ଚ୍ଚ କରିଛନ୍ତି ସାଗର । ତେବେ କମ୍ ଟଙ୍କାରେ ଏଭଳି ଅତ୍ୟାଧୁନିକ ବାଇକ ନିର୍ମାଣ କରିଥିବା ସାଗରଙ୍କୁ ଏବେ ସବୁ ଆଡ଼ୁ ଛୁଟୁଛି ପ୍ରଶଂସାର ସୁଅ ।
