ପ୍ରେମ ସମ୍ପର୍କକୁ ନେଇ ଯୁବକଙ୍କୁ ହତ୍ୟା ଅଭିଯୋଗ

କଳାହାଣ୍ଡି: ପ୍ରେମ ପାଇଁ ଗଲା ପ୍ରାଣ । ପ୍ରେମ ସମ୍ପର୍କରୁ ଯୁବକଙ୍କୁ ନିର୍ମମ ହତ୍ୟା । ଘଟଣା ଘଟିଛି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଗଏନ୍ଦିମୁଣ୍ଡା ଗାଁରେ । ଝିଅ , ଝିଅର ବାପା, ମାଆ ଓ ଭାଇକୁ ଅଟକ ରଖି ସାଇଣ୍ଟିଫିକ ଟିମର ସହାୟତା ଲୋଡିଛି ପୋଲିସ lଗତକାଲି ଖଲିଆକାନୀ ଗାଁର ଦିଲିପ ମେହେର ନିଜର ସାଙ୍ଗ ଲୋକନାଥଙ୍କ ସହ ଗଏନ୍ଦିମୁଣ୍ଡା ଯାଇଥିଲେ । ସେଠାରେ ଝିଅର ପରିବାର ଲୋକ ସେମାନଙ୍କୁ ଘେରାଉ କରିଥିଲେ । ଘଟଣାସ୍ଥଳରେ ଉତ୍ତେଜନା ହେବାରୁ ତାଙ୍କ ସାଙ୍ଗ ଖସିଯାଇ ପରିବାରଲୋକଙ୍କୁ ଜଣାଇଥିଲା । ପରିବାର ଲୋକ ଦିଲିପ କୁ ଖୋଜାଖୋଜି କରିବା ବେଳେ ଗାଁ ମୁଣ୍ଡରେ ତାଙ୍କ ରକ୍ତ ଜୁଡୁବୁଡୁ ଶବ ପଡିଥିବା ଦେଖି ଗୋଲାମୁଣ୍ଡା ପୁଲିସ କୁ ଖବର ଦେଇଥିଲେ । ଏହାଏକ ହତ୍ୟାକାଣ୍ଡ ଵୋଲି ପରିବାର ଲୋକ ଗୋଲାମୁଣ୍ଡା ଥାନାରେ ଅଭିଯୋଗ କରିବାପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ପ୍ରେମ ସମ୍ପର୍କ ରୁ ହୋଇ ଥିବା ପ୍ରାଥମିକ ତଦନ୍ତ ରୁ ଜାଣିବାକୁ ପାଇଥିଲେ । ସୂଚନା ଅନୁସାରେ ଗୋଇନ୍ଦି ମୁଣ୍ଡା ଗାଁର ଦ୍ରୌଣ ବଗର୍ତ୍ତିଙ୍କ ଝିଅଙ୍କୁ ଦିଲୀପ ମେହେର ଦୀର୍ଘ ଦିନ ହେବ ପ୍ରେମ କରୁଥିଲେ ଓ ତାଙ୍କୁ ମୋବାଇଲ ଦେଇ ତାଙ୍କ ସହ କଥାବାର୍ତ୍ତା ବି ହେଉଥିଲେ । ହେଲେ ଗତ କାଲି ଦୁଇ ସାଙ୍ଗ ମୋବାଇଲ୍ ଆଣିବାକୁ ଯାଇଥିବା ବେଳେ ଏହି ଘଟଣା ଘଟିଥିଲା ବୋଲି ପ୍ରତ୍ୟକ୍ଷଦର୍ଶୀ କହିଛନ୍ତି l

କାଶ୍ମୀରର ସେହି ପତାକା, ଯାହାକୁ ଉଡ଼ାଇବା କଥା କହୁଛନ୍ତି ମେହବୁବା ମୁଫତି