ଭୁବନେଶ୍ବର : କଳା ତାଲିକାଭୁକ୍ତ କମ୍ପାନୀକୁ ସ୍କୁଲ କାମ ଦେଇଛି ଏସସି ଏସଟି ବିଭାଗ। ଏହି ଅଭିଯୋଗ କରି ଆଜି ଗର୍ଜିଛି କଂଗ୍ରେସ। ରାଜଧାନୀରେ ଯୁବ କଂଗ୍ରେସ ସ୍କୁଲ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ବାସଭବନ ଘେରାଉ କରିଛି। ଦଳ ଅଭିଯୋଗ କରିଛି, ସୁନ୍ଦରଗଡ଼ର ବିଜୁଳିବନ୍ଧ ପୋଖରୀର ସୌନ୍ଦର୍ଯ୍ୟକରଣର ଦୁର୍ନୀତିରେ ଯେଉଁ କମ୍ପାନି କଳା ତାଲିକାଭୁକ୍ତ ହୋଇଥିଲା, ସେହି କମ୍ପାନିକୁ ଦିଆଯାଇଛି କାମ। ପ୍ରତିବାଦରେ ଯୁବ କଂଗ୍ରେସର ଶତାଧିକ କାର୍ଯ୍ୟକର୍ତ୍ତା ଏକ ଶୋଭାଯାତ୍ରାରେ ଆସି ଏସସି ଏସଟି ଉନ୍ନୟନ ମନ୍ତ୍ରୀଙ୍କ ସରକାରୀ ବାସଭବନ ଘେରାଉ କରିବା ସହ ଅଣ୍ଡା ଟମାଟୋ ମାଡ଼ କରିଛନ୍ତି। ତୁରନ୍ତ କାର୍ଯ୍ୟାଦେଶ ପ୍ରତ୍ୟାହାର ଦାବି କଲା କଂଗ୍ରେସ। ମନ୍ତ୍ରୀଙ୍କ ବାସଭବନ ସମ୍ମୁଖରେ ଯୁବ କଂଗ୍ରେସ କାର୍ଯ୍ୟକର୍ତ୍ତା ଓ ପୋଲିସ ମଧ୍ୟରେ ଧସ୍ତାଧସ୍ତି ହୋଇଛି ।
