କେନ୍ଦ୍ରାପଡ଼ା: କେନ୍ଦ୍ରାପଡ଼ା ବଶପୁର ପଞ୍ଚାୟତ ଆରିପଦ ଗାଁରେ ଅଭାବନୀୟ ଘଟଣା। ସାନ ବୋହୂକୁ ସାନ ଦେଢ଼ଶୁର ଅସଦାଚରଣ କରିବାକୁ ନେଇ ଗଣ୍ଡଗୋଳ ହୋଇଛି। ଅସଦାଚରଣକୁ ପ୍ରତିବାଦ କରିବାରୁ ବଡ଼ ଦେଢ଼ଶୁରକୁ ଆକ୍ରମଣ କରିଛି ସାନ ଦେଢ଼ଶୁର। ଏପରିକି ବଡ଼ ଭାଇର ଓଠକୁ କାମୁଡି ଛିଣ୍ଡାଇ ଦେଇଛି ସାନ ଭାଇ।
ସୂଚନା ଅନୁସାରେ, ରାକେଶ ମଲ୍ଲିକଙ୍କ ସ୍ତ୍ରୀ ଗାଧୋଇବାକୁ ଯାଇଥିବା ବେଳେ, ସାନ ଦେଢ଼ଶୁର ନଦୀ ତୁଠରେ ଅସଦାଚରଣ କରିଥିଲେ। ଏନେଇ ମହିଳା ଜଣକ ବଡ଼ ଦେଢ଼ଶୁରଙ୍କୁ କହିଥିଲେ। ଘଟଣା ସମ୍ପର୍କରେ ବଡ଼ ଦେଢ଼ଶୁର ଦାଦା ପୁଅ ପ୍ରଭାତଙ୍କୁ ପଚାରିବାରୁ ବଡ଼ ଭାଇଙ୍କୁ ଆକ୍ରମଣ କରିଥିଲା ସାନ ଭାଇ।
ବଡ଼ ଦେଢ଼ଶୁରଙ୍କୁ ସାନ ଦେଢ଼ଶୁର ଆକ୍ରମଣ କରିବା ସହ ଓଠ କାମୁଡି ଛିଣ୍ଡା ଦେଇଥିଲା। ଗୁରୁତର ଅବସ୍ଥାରେ ବଡ ଦେଢ଼ଶୁର କାଳନ୍ଦୀଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି। ଏନେଇ କେନ୍ଦ୍ରାପଡ଼ା ସଦର ଥାନାରେ ଏତଲା ଦିଆଯିବା ପରେ ପୋଲିସ ତଦନ୍ତ ଜାରି ରଖିଛି।
