ବଡ଼ ଭାଇ ବାହାଘର ନିମନ୍ତ୍ରଣ କରିବାକୁ ଯିବା ବେଳେ ଦୁର୍ଘଟଣାରେ ସାନ ଭାଇର ମୃତ୍ୟୁ
ନନ୍ଦିଘୋଷ ବ୍ୟୁରୋ: ବଡ଼ ଭାଇର ବିବାହ ଭୋଜି ନିମନ୍ତ୍ରଣ ପାଇଁ ଯିବା ବେଳେ ଦୁର୍ଘଟଣାରେ ଚାଲିଗଲା ସାନ ଭାଇର ଜୀବନ । ଘଟଣା ବ୍ରହ୍ମପୁର ଚିକିଟି ରାସ୍ତାରେ ଘଟିଛି ।
ଜରଡ଼ା ଗାଁର ଦୁଇ ଭାଇ ଏକ ବାଇକରେ ବ୍ରହ୍ମପୁରକୁ ବିବାହ ଭୋଜି ନିମନ୍ତ୍ରଣ ପାଇଁ ଯାଉଥିଲେ । ସାନ ଭାଇ ଗାଡି ଚଳାଉ ଥିବା ବେଳେ ବଡ଼ ଭାଇ ପଛରେ ବସିଥିଲେ । ହେଲେ ଟାମଣା ଘାଟି ନିକଟରେ ଗାଡି ଏକ ଗଛକୁ ଧକ୍କା ଦେବା ପରେ ଦୁଇ ଭାଇ ରାସ୍ତା ଉପରେ ଛିଟିକି ପଡ଼ିଥିଲେ । ଉଭୟଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ସାନ ଭାଇକୁ ମୃତ ଘୋଷଣା କରିଥିଲେ । ଆଉ ଦୁଇ ଦିନ ପରେ ବଡ଼ ଭାଇଙ୍କ ବିବାହ ଭୋଜି ହୋଇଥାନ୍ତା ।
