କନ୍ଧମାଳ:ବଡ଼ଭାଇର ଟାଙ୍ଗିଆ ଚୋଟରେ ସାନ ଭାଇର ମୃତ୍ୟୁ । କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ଅଞ୍ଚଳରେ ଜଘନ୍ୟ ହତ୍ୟାକାଣ୍ଡ । ଜମିବାଡ଼ି ବିବାଦ ଓ ବାଉଁଶ ବୁଦାକୁ କେନ୍ଦ୍ରକରି ହତ୍ୟା। ମୃତକ ତୁମୁଡ଼ିବନ୍ଧ ଥାନା କଦମପଦର ଗାଁର ୬୨ ବର୍ଷୀୟ ବୁଡୁ ପାତ୍ର । ଜମିବାଡ଼ି ଭାଗବଣ୍ଟା ଓ ଏକ ବାଉଁଶ ବୁଦାର ମାଲିକାନାକୁ ନେଇ ଗତ କିଛି ଦିନ ହେବ ୨ ଭାଇଙ୍କ ମଧ୍ୟରେ ବିବାଦ ଲାଗି ରହିଥିଲା । ଗତକାଲି ଏହି ବିବାଦ ଉଗ୍ରରୂପ ନେଇଥିଲା ।
ଉଭୟଙ୍କ ମଧ୍ୟରେ ବଚସା ହେବା ପରେ ଉତ୍ତ୍ୟକ୍ତ ହୋଇ ବଡ଼ ଭାଇ ଗାଉଁଟିଆ ପାତ୍ର ଏକ ଟାଙ୍ଗିଆରେ ସାନ ଭାଇ ବୁଡୁଙ୍କୁ ଶକ୍ତ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଏ ନେଇ ମୃତକଙ୍କ ପତ୍ନୀ ତୁମୁଡ଼ିବନ୍ଧ ଥାନାରେ ଅଭିଯୋଗ କରିଥିଲେ। ପୋଲିସ ଅଭିଯୁକ୍ତକୁ ଗିରଫ କରିବା ସହ ହତ୍ୟାରେ ବ୍ୟବହୃତ ଟାଙ୍ଗିଆକୁ ଜବତ କରିଛି ।
