ନିଜକୁ କ୍ରାଇମବ୍ରାଞ୍ଚ ଅଫିସର ପରିଚୟ ଦେଇ ଯୁବତୀଙ୍କୁ ଅସଦାଚରଣ

ଭୁବନେଶ୍ୱର: ନିଜକୁ କ୍ରାଇମବ୍ରାଞ୍ଚ ଅଫିସର ପରିଚୟ ଦେଇ ଯୁବତୀଙ୍କୁ ଅସଦାଚରଣ । ଯୁବକଙ୍କୁ ବାନ୍ଧିଲା ଖଣ୍ଡଗିରି ପୋଲିସ୍ । ଅଭିଯୁକ୍ତ ନୟାଗଡ଼ର ରମାକାନ୍ତ ନାୟକ । ଗିରଫ ପରେ କୋର୍ଟ ଚାଲାଣ କଲା ଖଣ୍ଡଗିରି ପୋଲିସ୍ । ଗତ ୧୧ ତାରିଖରେ ଜଣେ ଯୁକ୍ତ ୩ ଛାତ୍ରୀ ସାଇକେଲ ଯୋଗେ କଲେଜକୁ ଯାଉଥିବାବେଳେ ତାଙ୍କୁ କ୍ରାଇମବ୍ରାଞ୍ଚ ଅଫିସର ପରିଚୟ ଦେଇ ଅଟକାଇଥିଲେ ରମାକାନ୍ତ । ସାଇକେଲ ଓ ଯୁବତୀଙ୍କ ପ୍ରଶଂସା କରି ତାଙ୍କୁ ଖରାପ ବ୍ୟବହାର ପ୍ରଦର୍ଶନ କରିଥିଲେ ।

ଏନେଇ ଯୁବତୀ ଜଣକ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଏପରିକି ଯୁବକଙ୍କ ଗାଡ଼ି ନମ୍ବର ପୋଲିସକୁ ଦେଇଥିଲେ ଯୁବତୀ । ଅଭିଯୋଗ ଆଧାରରେ ଖାରବେଳ ନଗର ଅଞ୍ଚଳରେ ରହୁଥିବା ରମାକାନ୍ତଙ୍କୁ ଅଟକ ରଖିଥିଲା ପୋଲିସ୍ । ପଚରାଉଚରା ପରେ ଅଭିଯୁକ୍ତ ନିଜର ଦୋଷ ମାନିଥିଲା । ତାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍ ।