ମୁଁ କରୋନା ପଜେଟିଭ୍, ଆଉ ମୁଁ କରୋନା ବିସ୍ତାର ମଧ୍ୟ କରୁଛି ଏମିତି କହି ଭିଡ଼ିଓ କଲେ…
ଟେକ୍ସାସ: କରୋନା ପାଇଁ ଯେତେବେଳେ ସାରା ବିଶ୍ୱ ଡ଼ରି ଡ଼ରି ବଞ୍ଚୁଛି ସେହି ସମଯରେ ଏମିତି ଏକ ବାର୍ତ୍ତା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ନିଶ୍ଚୟ । ଏହା ଆମେ କହୁନୁ ଏହା ଜଣେ ନାବାଳିକା କହିଛିନ୍ତି ଯେ ସେ କରୋନା ପଜେଟିଭ୍ ଏବଂ ସେ ଏହାକୁ ବିସ୍ତାର ମଧ୍ୟ କରୁଛନ୍ତି ।
ଏହାର ଏକ ଭିଡିଓ ସୋସିଆଲ ମିଡିଆରେ ଅପଲୋଡ୍ କରିଛନ୍ତି ନାବାଳିକା ଜଣଙ୍କ । ସେ ଦାବି କରିଛନ୍ତି ଯେ ସେ କରୋନା ଭାଇରସ୍ ପଜିଟିଭ୍ ଏବଂ ସେ ଜାଣିଶୁଣି ଏହି ସଂକ୍ରମଣକୁ ବିସ୍ତାର କରୁଛନ୍ତି। ଏହି ମାମଲା ଆମେରିକାର ଟେକ୍ସାସର କାରୋଲଟନ୍ ସହରରେ ହୋଇଛି । ଭିଡିଓ ସାମ୍ନାକୁ ଆସିବା ପରେ ପୋଲିସ ଏହି ନାବାଳିକାକୁ ଖୋଜୁଛି।
ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ପରେ ସ୍ଥାନୀୟ ପୋଲିସ ଟ୍ୱିଟ୍ କରି ମାମଲା ସମ୍ପର୍କରେ ସୂଚନା ଦେଇଛି । ପୋଲିସ କହିଛି ଯେ ସମ୍ପୃକ୍ତ ନାବାଳିକଙ୍କର ପରିଚୟ ମିଳିଛି, କିନ୍ତୁ ତାଙ୍କୁ ଏପର୍ଯ୍ୟନ୍ତ ଗିରଫ କରାଯାଇ ନାହିଁ।
ପୋଲିସ କହିଛି ଯେ, ଭିଡିଓରେ କରୋନା ଭାଇରସ ବିସ୍ତାର କରିଥିବା ଦାବି କରିଥିବା ନାବାଳିକଙ୍କ ନାଁ ହେଉଛି ଲାରେନ ମାରାଡିଗା ଏବଂ ତାଙ୍କୁ 18 ବର୍ଷ । ଲୋକଙ୍କୁ ଆତଙ୍କିତ କରୁଥିବାରୁ ଲାରେନଙ୍କ ବିରୋଧରେ ଅଭିଯୋଗ ହେବ ବୋଲି ପୋଲିସ କହିଛି।
ତେବେ ପ୍ରକୃତରେ ଲାରେନ ଲୋକଙ୍କୁ ବିପଦରେ ପକାଇଛନ୍ତି କି ନାହିଁ ତାହା ଜଣାପଡ଼ି ନାହିଁ । କିନ୍ତୁ ଲାରେନଙ୍କ ଏହି ଧମକ୍ ଦେବା ପରେ ତାଙ୍କ ବିରୋଧରେ ଦୃଢ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ଅନ୍ୟପଟେ ଲାରେନଙ୍କ ପରିଚୟ ମିଳିଥିବା ବେଳେ ତାଙ୍କ ଠିକଣା ପାଇପାରିନାହିଁ ପୋଲିସ । ତେଣୁ ପୋଲିସ ସାଧାରଣ ଲୋକଙ୍କୁ ଅନୁରୋଧ କରିଛି ଯେ ଜଦି ଲାରେନଙ୍କ ବିଷୟରେ କୌଣସି ସୂଚନା ମିଳେ ତେବେ ସଙ୍ଗେ ସଙ୍ଗେ ପୋଲିସଙ୍କୁ ଜଣେଇବାକୁ ।
ଆମେ ରହିରଖୁଛୁ ଯେ, ସୋମବାର ଅପରାହ୍ନ ସୁଦ୍ଧା ଆମେରିକାରେ ସଂକ୍ରମିତ ଲୋକଙ୍କ ସଂଖ୍ୟା 3,36,800 ଅତିକ୍ରମ କରିଛିଏବଂ ମୃତ୍ୟୁ ସଂଖ୍ୟା 9,600 ଟପିଛି । ଏଥି ସହିତ ସାରା ବିଶ୍ୱରେ ମୃତ୍ୟୁସଂଖ୍ୟା 69,400 ଅତିକ୍ରମ କରିଛି।
