ପେଶାରେ ଇଞ୍ଜିନିୟର ନିଶାରେ ଡ୍ୟାନସର୍: ଚର୍ଚ୍ଚାରେ ଯୁବ ଇଞ୍ଜିନିୟର ଦେବାଶିଷ

ଭୁବନେଶ୍ୱର: ପେଶାରେ ଇଞ୍ଜିନିୟର ନିଶାରେ କଳାକାର। ଭୁବନେଶ୍ୱରର ଯୁବ ଇଞ୍ଜିନିୟର ଦେବାଶିଷ ସାହୁ ଡିଜିଟାଲ୍ ଦୁନିଆରେ ସେ ଓଡ଼ିଆ ସଂସ୍କୃତି ଓ ଐତିହକୁ ସରକ୍ଷଣ କରୁଛନ୍ତି।  ଆଜି ଯେଉଁଠି ଯୁବପିଢ଼ି IIM କିମ୍ବା IITରେ ପଢ଼ିବା ପାଇଁ ଦିନରାତି ଚେଷ୍ଟା କରୁଛନ୍ତି ଏବଂ ନିଜର ପ୍ରିତିଭା ଓ ନିଶାକୁ ଏଡ଼ାଇଦେଇ କେବଳ ଚାକିରୀ ପଛରେ ଧାଉଁଛନ୍ତି ସେଇଠି ଦେବାଶିଷ କିନ୍ତୁ ବାଛିଛନ୍ତି ଏକ ଭିନ୍ନ ବାଟ। ୟୁଟ୍ୟୁବ ଚ୍ୟାନେଲ କରି ଏକ ଭିନ୍ନ ଡ୍ୟାନ୍ସ ଶୈଳୀ ପ୍ରଦର୍ଶନ କରି ଲୋକଙ୍କ ମନ ଜିଣୁଛନ୍ତି।

ଦେବାଶିଷ ନିଜେ ଜଣେ ଡ୍ୟାନସର୍। କାମର ବ୍ୟସ୍ତତା ଭିତରେ ବି ସେ ନିଜ ପ୍ୟାଶନକୁ ଛାଡ଼ି ନାହାଁନ୍ତି। ଦେବାଶିଷଙ୍କର ଏକ ୟୁଟ୍ୟୁବ ଚ୍ୟାନେଲ ଅଛି। ଏହି ଚ୍ୟାନେଲରେ ସେ ନିଜର ବିଭିନ୍ନ ପ୍ରକାରର ଡ୍ୟାନ୍ସ ଭିଡିଓ ସବୁ ଅପଲୋଡ କରୁଛନ୍ତି। ସବୁଠୁ ଭଲ କଥା ହେଉଛି, ଓଡ଼ିଆ ସଂସ୍କୃତି ଧୀରେ ଧୀରେ ଲୋପ ପାଉଥିବା ବେଳେ ସେ ଓଡ଼ିଆର ବିଭିନ୍ନ ଗୀତ ପୂରୁଣା ଗୀତ ଓ ଭଜନରେ ଡ୍ୟାନ୍ସ କରି ଭିଡିଓ ଅପଲୋଡ କରୁଛନ୍ତି।

ଏସବୁ ବ୍ୟତୀତ ସେ ନିଜ ଚ୍ୟାନେଲରେ ଏକ ନିଆରା ଡ୍ୟାନ୍ସ ଶୈଳୀ ‘ଷ୍ଟପ ମୋଶନ କ୍ରିଏଟିଭ ଡ୍ୟାନ୍ସ’ ଭିଡିଓ କରିବା ମଧ୍ୟ ଆରମ୍ଭ କରିଛନ୍ତି। ଏହି ଶୈଳୀରେ ତାଙ୍କର ପ୍ରଥମ ଭିଡିଓକୁ ପାଖାପାଖି ୫ ଲକ୍ଷରୁ ଅଧିକ ଲୋକ ଦେଖିଥିଲେ ଏହା ବେଶ୍ ଭାଇରାଲ ହୋଇଥିଲା। ଦେବାଷିଶଙ୍କ ଏହି ଭିଡିଓ ଦର୍ଶକଙ୍କୁ ବେଶ୍ ପସନ୍ଦ ଆସୁଛି। ଏହା ଏକ ଏପରି ଡ୍ୟାନ୍ସ ଶୈଳୀ ଯେଉଁଥିରେ ବିଭିନ୍ନ ଫଟୋକୁ ସଂଗ୍ରହ କରି ଆନିମେଶନ ମାଧ୍ୟମରେ ପ୍ରସ୍ତୁତ କରାଯାଏ। ଆଜି ଯାଏ ଓଡ଼ିଆ ଗୀତରେ ଏପରି ଭିଡିଓ ତିଆରି ହୋଇନି। ଦେବାଶିଷ କିନ୍ତୁ ଆଗକୁ ଏହା କରିବାକୁ ଲକ୍ଷ ରଖିଛନ୍ତି।

ଏସବୁ କରିବା ପାଇଁ ଦେବାଶିଷଙ୍କୁ କିନ୍ତୁ ଅକ୍ଲାନ୍ତ ପରିଶ୍ରମ କରିବାକୁ ପଡ଼ୁଛି। ସେ ୱାନମ୍ୟାନ୍ ଆର୍ମି ଭଳି କାମ କରୁଛନ୍ତି। ଅର୍ଥାତ ନିଜେ ଡ୍ୟାନସ କରୁଛନ୍ତି ନିଜେ ଶୁଟିଂ କରୁଛନ୍ତି ପୁଣି ନି ଏଡିଟିଂ ମଧ୍ୟ କରୁଛନ୍ତି। ସେ ପ୍ରତିଦିନ ଭୋର୍ ୪ରୁ ଉଠି ନାଚ ଅଭ୍ୟାସ କରନ୍ତି ଓ ପରେ ଶୁଟିଂ କରନ୍ତି। ଏହାପରେ ସକାଳ ୯ଟାରୁ ସେ ଅଫିସ୍ ପାଇଁ ବାହାରିଯାଆନ୍ତି। ପୁଣି ରାତି ୯ଟା ପରେ ଅଫିସରୁ ଫେରି ସକାଳେ ଶୁଟିଂ କରିଥିବା ଭିଡିଓକୁ ଏଡିଟିଂ କରି ଅପଲୋଡ କରିଥାନ୍ତି। ତେବେ ଏହି ପରିଶ୍ରମର ଫଳ ସେ ନିଶ୍ଚିତ ପାଇବେ ବୋଲି ଆଶା କରାଯାଉଛି।