ଲୁଣା ନଦୀ ବୁଡି ଯୁବକ ନିଖୋଜ

କେନ୍ଦ୍ରାପଡ଼ା: ନଦୀରେ ବୁଡି ଯୁବକ ନିଖୋଜ । କେନ୍ଦ୍ରାପଡା ଡେରାବିଶ ବ୍ଲକ ଦାନପୁର ଲୁଣା ନଦୀ ପଠାରେ ଗାଧଉଥିବା ବେଳେ ନଦୀରେ ବୁଡି ଯୁବକ ନିଖୋଜ ହୋଇଯାଇଛନ୍ତି । ଯୁବକ ଜଣକ କୂଳସାହି ଗାଁର ସନ୍ତୋଷ କୁମାର ମିଶ୍ର ବୋଲି ଜଣାପଡିଛି । ନିଶ୍ଚିନ୍ତ କୋଇଲି ଅଗ୍ନିଶମ ବାହିନୀ ଟିମର ଉଦ୍ଧାର କାର୍ଯ୍ୟ ଜାରି ରହିଛି ।

ସନ୍ତୋଷ ଆଜି ସକାଳୁ କୂଳସାହି ଲୁଣାନଦୀ ପଠାକୁ ଡ଼ଙ୍ଗା ଭସାଇବାକୁ ଆସିଥିଲେ । ଡ଼ଙ୍ଗା ଭସାଇବା ପରେ ପୁଣି ନଦୀରେ ଗାଧୋଥିବା ବେଳେ ଏହି ଅଘଟଣ ଘଟିଛି । କିଛି ବର୍ଷ ପୂର୍ବେ ସନ୍ତୋଷଙ୍କ ବାପା ରବୀନ୍ଦ୍ର କୁମାର ମିଶ୍ର ମଧ୍ୟ ଏହି ଲୁଣା-କରଣ୍ଡିଆ ନଦୀ ପଠାରେ ବୁଡି ମୃତୁ ବରଣ କରିଥିଲେ ।