ଫୋଗଟଙ୍କୁ ଚାମ୍ପିୟନ ବୋଲି କହି ନବୀନ କଲେ ଟ୍ୱିଟ୍

ଭୁବନେଶ୍ୱର : ପ୍ୟାରିସ୍ ଅଲିମ୍ପକ୍ସରେ ଭିନେଶ ଫୋଗାଟଙ୍କୁ ଅଯୋଗ୍ୟ ଘୋଷଣା ପ୍ରସଙ୍ଗରେ ଗଭୀର ଦୁଃଖ ପ୍ରକାଶ କରିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଭିନେଶଙ୍କୁ ଅଲିମ୍ପିକ୍ସରୁ ଅଯୋଗ୍ୟ ପରେ ଏହାକୁ ନେଇ କୋଟି କୋଟି ପ୍ରଶଂସକ ଅସନ୍ତୋଷ ପ୍ରକାଶ କରିଛନ୍ତି। ଦେଶବାସୀଙ୍କ ଦୁଃଖ ସହ ସେ ମଧ୍ୟ ସମ ପରିମାଣରେ ଦୁଃଖୀ ଅଛନ୍ତି।

ସୋସିଆଲ ମିଡିଆ ଏକ୍ସରେ ସେ ଟ୍ୱିଟ୍ କରି ଦୁଃଖ ପ୍ରକାଶ କରିଛନ୍ତି ନବୀନ । ସେ ଲେଖିଛନ୍ତି,ସ୍ୱର୍ଣ୍ଣ ପଦକ ପାଇଁ ଲଢେଇ ପୂର୍ବରୁ ଅଯୋଗ୍ୟ ଘୋଷଣା ଶୁଣିବା ଦୁଃଖ ଦାୟକ । ଫାଇନାଲରେ ଲଢିବା ସହ ପ୍ରଦର୍ଶନ ନେଇ ଆପଣଙ୍କୁ ସୁଯୋଗ ମିଳିନପାରେ, କିନ୍ତୁ ବର୍ତ୍ତମାନ ଆପଣ ଜଣେ ଚାମ୍ପିୟନ। ପ୍ୟାରିସ୍ ଅଲମ୍ପିକ୍ସରେ ଏପର୍ଯ୍ୟନ୍ତ ଆପଣଙ୍କ ଅଭିଯାନ ଉତ୍ସାହ ଜନକ ଥିଲା ବୋଲି କହିଛନ୍ତି ବିଜେଡି ସୁପ୍ରିମୋ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ।