ଲକ୍ଷ୍ଣୌ: ଉତ୍ତରପ୍ରଦେଶରେ ଯୋଗୀ ସରକାର ଭ୍ରଷ୍ଟ ପୋଲିସ କର୍ମଚାରୀଙ୍କୁ ବାଧ୍ୟତାମୂଳକଭାବେ ଅବସର ଦେବା ନେଇ ପଦକ୍ଷେପ ଆରମ୍ଭ କରିଛନ୍ତି । ଏଥିସହିତ ୫୦ ବର୍ଷରୁ ଊର୍ଦ୍ଧ୍ୱ ଅପାରଗ ପୋଲିସ କର୍ମଚାରୀଙ୍କୁ ମଧ୍ୟ ବାଧ୍ୟତାମୂଳକଭାବେ ଅବସର ଦେବା ଲାଗି ପ୍ରକ୍ରିୟା ଆରମ୍ଭ ହୋଇଛି । ଏହି ପରିପ୍ରେକ୍ଷୀରେ ଡିଜିପି ମୁଖ୍ୟାଳୟ ପକ୍ଷରୁ ସମସ୍ତ ୟୁନିଟର ପ୍ରମୁଖ, ଆଇଜି ରେଞ୍ଜ ଏବଂ ଏଡିଜି ଜୋନକୁ ଚିଠି ଲେଖାଯାଇଛି । ଯେଉଁଥିରେ ଅପାରଗ ପୋଲିସଙ୍କ ସୂଚି ପ୍ରସ୍ତୁତ କରି ପଠାଇବାକୁ ନିର୍ଦ୍ଦେଶ ଦିଆଯାଇଛି । ଚିଠିରେ ୩୧ ମାର୍ଚ୍ଚ ୨୦୨୦ ସୁଦ୍ଧା ୫୦ ବର୍ଷ ପୂରିସାରିଥିବା ପୋଲିସ କର୍ମଚାରୀଙ୍କ ସ୍କ୍ରିନିଂ କରାଇବାକୁ ନିର୍ଦ୍ଦେଶ ଦେଇଛନ୍ତି । ଅପରପକ୍ଷରେ ସିପାହୀଙ୍କ ଠାରୁ ନେଇ ଇନ୍ସପେକ୍ଟର ରାଙ୍କ୍ର ପୋଲିସ କର୍ମୀଙ୍କୁ ବାଧ୍ୟତାମୂଳକ ଭାବେ ସେବାନିବୃତ କରିବା ଲାଗି ସ୍କ୍ରିନିଂ କରାଯିବ । ଯୋଗୀ ସରକାରଙ୍କ ଏହି ବଡ଼ ପଦକ୍ଷେପ ପରେ ୟୁପିରେ ଭ୍ରଷ୍ଟ ପୋଲିସ କର୍ମଚାରୀଙ୍କ ଉପରେ ଖଣ୍ଡା ଛିଣ୍ଡିବା ନିଶ୍ଚିତ ବୋଲି ବିବେଚନା କରାଯାଉଛି ।
ଏହି ସୂଚୀ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଥିଲେ ଯୋଗୀ ସରକାର
ସୂଚନା ଯୋଗ୍ୟ ଯେ, କିଛି ଦିନ ପୂର୍ବରୁ ଖବର ଆସିଥିଲା ଯେ, ଉତ୍ତରପ୍ରଦେଶ ସରକାର ୫୦ ବର୍ଷରୁ ଅଧିକ ବୟସର କର୍ମଚାରୀ କାର୍ଯ୍ୟଦକ୍ଷତାର ସମୀକ୍ଷା କରାଯିବ । ଆଶାନୁରୂପ ପ୍ରଦର୍ଶନ କରିପାରୁନଥିବା କର୍ମଚାରୀ ବାଧ୍ୟତାମୂଳକ ସେବାନିବୃତ କରାଯିବ । ମୁଖ୍ୟ ସଚିବ ଆର୍ କେ ତିଓ୍ୱାରୀଙ୍କ ପକ୍ଷରୁ ଜାରି ଆଦେଶ ଅନୁଯାୟୀ ସବୁ ବିଭାଗର ମୁଖ୍ୟ ସଚିବ ଏବଂ ସଚିବଙ୍କୁ ୫୦ ବର୍ଷ ବୟସ ପାର କରିସାରିଥିବା କର୍ମଚାରୀଙ୍କ କାର୍ଯ୍ୟଦକ୍ଷତା ସମୀକ୍ଷା କରିବା ନେଇ କୁହାଯାଇଛି । ଏଭଳି କର୍ମଚାରୀଙ୍କ ତାଲିକା ୩୧ ଜୁଲାଇ ସୁଦ୍ଧା ପ୍ରସ୍ତୁତ କରିବାକୁ କୁହାଯାଇଛି ।
ଆମେରିକାରେ ଚୀନ ଡାକ୍ତରଙ୍କ ଦୃଢୋକ୍ତି: ଉହାନର ଲ୍ୟାବରେ ହିଁ ପ୍ରସ୍ତୁତ ହୋଇଥିଲା କରୋନା ଭାଇରସ
