ପୁରୀ ଗୋଲ୍ଡେନ୍ ବିଚ୍ରେ ଯୋଗ ଶିବିର
ପୁରୀ: କରୋନା ମହାମାରୀରୁ ଆରୋଗ୍ୟ ଲାଭ କରି ଆସିଥିବା ୨୦୦ ଜଣଙ୍କୁ ନେଇ ଆଜି ଜିଲ୍ଲା ପ୍ରଶାସନ ପକ୍ଷରୁ ଏକ ଜନ ସ୍ୱାସ୍ଥ୍ୟ କାର୍ଯ୍ୟକ୍ରମ ଆୟୋଜନ କରାଯାଇଛି । ଆୟୁଷ ମନ୍ତ୍ରାଳୟର ଗାଇଡଲାଇନକୁ ଅନୁପାଳନ କରି ପୁରୀର ବ୍ଲୁ ଫ୍ଲାଗ ବିଚ୍ରେ ଏକ ମୋ’ ବିଚ ଯୋଗ ଶିବିର ଅନୁଷ୍ଠିତ ହୋଇଥିଲା । ମୁଖ୍ୟତଃ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଁ ଏହି ଶିବିର ଅନୁଷ୍ଠିତ ହୋଇଥିଲା ।
ପାଇଲଟ ପ୍ରୋଗ୍ରାମ ମାଧ୍ୟମରେ ଏହି ଯୋଗ ଶିବର କରାଯାଉଥିଲା । ୧୦ଟି ପେଣ୍ଡାଲରେ ୨୦୦ ଜଣ ଉପସ୍ଥିତ ରହି ଏହି ଯୋଗ କରିଥିଲେ । ସେବାୟତ ବର୍ଗ, ଗଣମାଧ୍ୟମ ବର୍ଗ, ପୋଲିସ ବର୍ଗ, ସରକାରୀ ବର୍ଗ ଓ ସାଧାରଣ ଲୋକ ଏହି ଶିବିରରେ ଯୋଗଦାନ କରିଥିଲେ । ପାରମ୍ପରିକ ଓ ଯୋଗ ଶୈଳୀରେ କିଭଳି କରୋନାରୁ ମୁକ୍ତି ମିଳିବ ସେନେଇ ୧୦ଜଣ ତାଲିମ୍ପ୍ରାପ୍ତ ଯୋଗ ଶିକ୍ଷକ ଯୋଗ ଶିଖାଇଥିଲେ । ଭୋର ୫ଟା ରୁ ଏହି ଶିବିର ଆରମ୍ଭ ହୋଇଥିବା ବେଳେ ଆସନ୍ତାକାଲି ଏହାର ଉଦଯାପନୀ ଦିବସ ।
