କଟକଣା ମଧ୍ୟରେ ଯୋଗାଭ୍ୟାସ ଜରିଆରେ ହେବ କରୋନା ଲଢ଼େଇ

ଭୁବନେଶ୍ୱର: ବୁଧବାରଠାରୁ ଖୋଲିବ ଯୋଗ କ୍ଲାସ । କରୋନା କଟକଣା ପାଇଁ ୪ ମାସରୁ ଅଧିକ ଦିନ ବନ୍ଦ ରହିବା ପରେ କାଲିଠାରୁ ଖୋଲିବାକୁ ଯାଉଛି ଯୋଗ କେନ୍ଦ୍ର ଓ ଜିମ୍ । ଏଥିପାଇଁ କଟକର ଯୋଗ କେନ୍ଦ୍ର ଗୁଡିକରେ କିପରି କୋଭିଡ କଟକଣା ମଧ୍ୟରେ ଯୋଗ କରିହେବ ସେ ନେଇ ପ୍ରସ୍ତୁତି କରାଯାଉଛି । ଚଳଚଞ୍ଚଳ ଯୋଗ କେନ୍ଦ୍ର । ୪ ମାସ ପରେ ଚାଲିବ ଯୋଗାଭ୍ୟାସ । କୋଭିଡ କଟକଣାରେ ଖୋଲିବାକୁ ଅନୁମତି ।

କରୋନା କଟକଣା ପାଇଁ ପ୍ରାୟ ଚାରି ମାସରୁ ଅଧିକ ସମୟ ବନ୍ଦ ରହିବା ପରେ ୫ ତାରିଖରୁ ଖୋଲିବାକୁ ଯାଉଛି ଯୋଗ କେନ୍ଦ୍ର ଓ ଜିମ୍ । ବନ୍ଦ ପଡିଥିବା କଟକର ଯୋଗ କେନ୍ଦ୍ର ଗୁଡ଼ିକରେ ଏନେଇ ପ୍ରସ୍ତୁତି କରାଯାଇଛି । ସାମାଜିକ ଦୂରତ୍ୱ ରଖି, ମାସ୍କ ପରିଧାନ କରି ଯେପରି ଭଲରେ ଯୋଗ କରିହେବ ସେ ନେଇ ଯୋଜନା ପ୍ରସ୍ତୁତ କରିଛନ୍ତି ।

ଅନ୍ୟ ପକ୍ଷରେ  ଖେଳାଳିମାନେ ପୁଣି ଥରେ ଯୋଗ କରିବାର ସୁଯୋଗ ପାଇବେ ବୋଲି ଜାଣି ବେଶ ଉତ୍ସାହିତ ହୋଇପଡିଛନ୍ତି । ଏତେ ମାସ ହେବ ଯୋଗ ଓ ଜିମ୍ ନ ଆସିଥିବାରୁ ସେମାନଙ୍କ ଫିଟନେସ ସମସ୍ୟା ସୃଷ୍ଟି ହୋଇଛି । ଏବେ କିନ୍ତୁ ସବୁ ନିୟମ ମାନି ସେମାନେ ଯୋଗ କରିବେ ବୋଲି କହିକଛନ୍ତି । ଅନ୍ ଲକ ୩ରେ ସରକାର ନିୟମ ସାମାନ୍ୟ କୋହଳ ହୋଇଥିବାରୁ ଏହାର ସୁଯୋଗ ଫିଟନେସ ଉପରେ ଧ୍ୟାନ ଯୁବପିଢ଼ି ଧ୍ୟାନ ଦେଇପାରିବେ ବୋଲି ଆଶା ରଖିଛନ୍ତି ।