ଓଡ଼ିଶା ପାଇଁ ଆଶ୍ୱସ୍ତିର ଖବର,ଗତକାଲିର ସବୁ କରୋନା ରିପୋର୍ଟ ନେଗେଟିଭ୍

ଭୁବନେଶ୍ୱର: କରୋନା ସଂକଟରେ ଆସିଛି ଆଶ୍ବସ୍ତିର ଖବର । ଗତକାଲି  ଟେଷ୍ଟିଂ ହୋଇଥିବା ସବୁ ନମୁନା ନେଗେଟିଭ ଆସିଛି । ଅନ୍ୟପଟେ ଶୁକ୍ରବାର ଭଦ୍ରକରୁ ୫ ନୂଆ କରୋନା ପଜିଟିଭ ଚିହ୍ନଟ ପରେ ମୋଟ ଆକ୍ରାନ୍ତଙ୍କ ସଂଖ୍ୟା ୯୪ ରହିଛି । ସେମଧ୍ୟରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୪୬ ଆକ୍ରାନ୍ତ ଅଛନ୍ତି ।

ସେହିପରି ଭଦ୍ରକରୁ ୧୬, ବାଲେଶ୍ୱରରୁ ୧୦, ଯାଜପୁରରୁ ୧୨, ସୁନ୍ଦରଗଡରୁ ୩, କେନ୍ଦ୍ରାପଡାରୁ ୨, କଳାହାଣ୍ଡିରୁ ୨, ଢେଙ୍କନାଳରୁ ୧, କଟକରୁ ୧, ପୁରୀରୁ ଏକ ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ଏବେ ସୁଦ୍ଧା ରାଜ୍ୟରେ ମୋଟ ୩୩ ଆକ୍ରାନ୍ତ ସୁସ୍ଥ ହୋଇଛନ୍ତି, ଜଣଙ୍କ ମୃତ୍ୟୁ ହୋଇଛି । ଏବେବି ସକ୍ରିୟ ରହିଛି ୬୦ ମାମଲା ।