ଶ୍ରୀମନ୍ଦିର କର୍ପସ ଫଣ୍ଡକୁ ଫେରିଲା ମହାପ୍ରଭୁଙ୍କ ଟଙ୍କା
ପୁରୀ: ଶ୍ରୀମନ୍ଦିର କର୍ପସ ଫଣ୍ଡ ଆକାଉଣ୍ଟକୁ ଟଙ୍କା ଫେରାଇଲା ୟେସ୍ ବ୍ୟାଙ୍କ । ଏ ନେଇ ମୁଖ୍ୟ ପ୍ରଶାସକ କିଷନ କୁମାରଙ୍କ ପାଖକୁ ୟେସ ବ୍ୟାଙ୍କର ବରିଷ୍ଠ ଉପସଭାପତି ଜୟଦେବ ଦାସ ପତ୍ର ଲେଖିଛନ୍ତି । ୩୯୭ କୋଟି ୨୩ ଲକ୍ଷ ୨୭ହଜାର ୬୩୬ ଟଙ୍କା ପ୍ରଥମ ଫିକ୍ସ ଡିପୋଜିଟରୁ ଫେରାଯାଇଛି ।
ଯାହାର ମୂଳ ୩୮୯ କୋଟି ଓ ସୁଧ ୮କୋଟି ୨୩ ଲକ୍ଷ ୨୭ ହଜାର ୬୩୬ଟଙ୍କା । ଏହି ରାଶିକୁ ଶ୍ରୀମନ୍ଦିରର ପୁରୀ ମୁଖ୍ୟ ଶାଖା ଏସବିଆଇ ଆକାଉଣ୍ଟରେ ଜମା କରାଯାଇଛି ।
ଆଉ ୨ଟି ଫିକ୍ସ ଡିପୋଜିଟ ୧୫୬ କୋଟିର ବାକି ରହିଛି । ଯାହାର ସମୟସୀମା ୩୦ ମାର୍ଚ୍ଚରେ ସରିବା ପରେ ସୁଧ ସହ ଫେରସ୍ତ ହେବ । ଫଳରେ ମହାପ୍ରଭୁଙ୍କ ଟଙ୍କା ଫେରିପାଇବାରେ ନେଇ ଲାଗି ରହିଥିବା ଦୀର୍ଘ ଦିନର ଅନିଶ୍ଚିତତା ଦୂର ହୋଇଛି ।
ଶ୍ରୀମନ୍ଦିର ଟଙ୍କା ଫେରାଇ ଆଣିବା ପାଇଁ ସରକାରଙ୍କ ଅଭୟବାଣୀ, ତଥାପି ଗୃହ କମିଟି ପାଇଁ ବିରୋଧୀଙ୍କ ଜିଦ୍
